Jaqueline Woodley, Candidato #16 di PPA:Combati corupcion cu ley na ordo sin tardansa ni uza excuus di Pandemia

Dia 6 di december lo t’e momento historico atrobe pa Aruba conoce un gobierno di PPA, caminda e principionan di integridad, moralidad, dignidad y transparencia ta bay conta! Gobierno cu PPA bek na mando, un Partido cu semper a buta pueblo prome. PPA tin e vision y mandato pa combati pobresa, para pa nos adultonan mayor y nos muchanan y tambe para cu nos profesionalnan, lo wordo respeta den nan capacidad. Nos kier un pais sigur y honesto y husto den tur su retonan.

Ora un cas ta borota bo tin di drech’e. Bo no por ehecuta sostenibilidad sin por ehecuta e leynan na ordo. Con pa combati corupcion sin tin e leynan na ordo cu un parlemento por uza pa controla gobierno y hisa nivel di integridad. Con pa controla y cuestiona gobierno sin tin cuenta anual den e dos etapanan di gobernacion. Esaki nunca PPA a para p’e den su historia, pa no duna cuenta debidamente.

No ta ora tin crisis so e ora nos sa kico pa haci. Esey PPA no kier pa pasa mas. Den un gobierno y un parlamento cu ta haci nan trabou manera debe ser, mester tin diferente iniciativa di ley nobo, pero tambe mester tin enfoke riba e leynan cu a caduca y con pa protega y con por duna cuenta. Tambe con DWJZ a scoge y resposabilisa su mes y monitor esaki y controla pa duna cuenta. Pasobra hopi di e leynan ta den lachi ainda for di dia e gobierno aki a drenta na mando.

Ki ley y ainda no tin vision duradero manera PPA su maneho y vision lo ta!

1. Enseñansa: Manera e leynan di enseñansa p’e docentenan cu ainda mester wordo revisa y implementa.
2. Codigo di Proteccion: Nos tambe ta papia hopi tocante Codigo di Proteccion pa mucha y e mayornan concerni. Awo PPA tambe ta mustra cu un vision ainda falta pa protéga cu nos muchanan riba termino largo. Nos Codigo di Proteccion den trahamento multisectoral pa mucha cu a wordo ELEVA durante e Social Crisisplan ainda no tin ley despues di 2025 pa nan entrenador y supervisornan di tur sector social y cuido pa keda proteha e muchanan den nan vulnerabilidad contra abuso. A nombra supervisor y trainers nan pa 2 aña so. Con esey por ta duradero den un vision y tambe cu incertitumbre pa esunnan cu a wordo getraind? Kico lo pasa despues. PPA no ta traha so cu un vision pa 2 aña, pero pa 25 aña. No tin vision: Atrobe PPA ta indica cu DMH a wordo institui no na un manera transparente unda por papia di bon gobernacion caminda cu e Codigo di Proteccion ta wordo coordina.

3. Un Codigo pa nos adultonan y proteccion di nos adultonan mayor: PPA kier enfoca riba calidad di cuido pero tambe ekipa nos profesionalnan debidamente y mehora e infrastructura di cuido di e adulto mayor cu e partnernan di husticia, salubridad publico y asunto social. Pasobra si nos papia di maltrato fisico y mental, tambe di no tin cuido accesibel of horta cuenta bancario di un adulto mayor of e maltrato ora di Alzheimer ta na porta, e adulto mayor ta actua otro. Ainda nos no tin ley adecua pa esaki. Unda gobierno y specialmente e parlamentarionan a keda, unda nan iniciativa p’e leynan aki a keda? PPA ta bin cu un solucion duradero pa nos adulto mayor, pa mayornan wordo protega cu un cuido accesibel, pagabel y un aumento di nan pensioen.
4. Entrega un cuenta anual na tempo pa duna cuenta sin uzo di excuus di Pandemia of di landspakket: Un gobernacion nunca ta posibel si no tin ley actual cu ta toca nos salubridad, enseñansa y husticia y asunto social completo. Falta di cuenta anual n’e entidadnan di gobierno manera DVG y Sociale Zaken.

5. E leynan di salubridad publico a caduca na 2017. Con DVG ta protega y maneha sin ley na ordo pa protega salud publico di mucha y adulto y nos profesionalnan cu nan partnernan envolvi. E leynan pa contribui na un bida mas saludabel riba termino largo, con pa actua y proteha nos. Henter ora nos ta papia di pandemia aki y pandemia aya y malesanen cronico cu lo bin. Pero dicon nunca a revisa, evalua e leynan y ekiponan durante gobernacion. Ta un iniciativa so a wordo trata. Nos ta papia di proteccion di nos salud.
6. Tambe e parlamentarionan nobo visionario a laga di desea.

Gobierno y parlamento mester tin e bon boluntad pa para responsabel y duna cuenta tambe riba e rol pa por controla. Unda tur e leynan a keda? Con un gobierno por para pa transparencia y integridad den nan conducta.

PPA a indica den su programa di bon gobernacion, cu nan kier pa gobierno wordo ehecuta debidamente. No ta un Minister so mester ta responsabel pa su maneho, pero tambe e director- y/of e team di maneho concerni.

PPA ta para pa bon gobernacion. Nos tin e deber di haci nos trabou husto y no solamente riba e motibonan politico, manera scoge e ley ey si, of e ley ey no of dijies pa motibo politico, manera saca decreto Ministerial of traha Landsbesluit sin trata nan transparente den parlamento. Nos mester tin un sistema na ordo pa controla, tin e cuadronan necesario na ordo pa por responsabilisa nos mes, protega nos profesionalnan ora nan tin di traha y buta e pueblo, nos muchanan y nos adultonan prome.

Stima Aruba, stima bo mes, stima PPA, vota PPA

Bo candidato #16. Jaqueline Woodley