Diamars atardi despues di un reunion cu Gobierno, lider sindical di SADA, Sr. Eduard Maduro a informa cu e reunionnan cu gobierno ta bayendo den bon direccion y cu lo por bini trankilidad.
Relaciona cu e condicionnan di ultimo momento cu Hulanda a impone, segun Maduro a bisa cu diaranzon lo tabatin un presentacion pa tur e gremionan, mirando cu te awor Gobierno no a haya nada di Hulanda, esaki a wordo posponi. No tin nada den detayes ainda, pa asina por trece pa e gremionan, pa haya un vista precies di loke nan kier wak. Ta hopi cos tin pa discuti, pero ta bayendo dilanti. Pa loke ta trata si empleadonan publico lo mester entrega mas placa, Sr. Maduro a bisa cu ta hopi prematuro pa si encaso cu sindicatonan tin cu entrega mas, pero esaki no a bini riba mesa y no a sinti tampoco cu esaki lo bini awor.
Eduard Maduro a sigui bisa cu Aruba ta keda dependiente di Hulanda cu lo guia nos awor pa cana bay dilanti y pa sali for di e crisis aki. Si mester bini dilanti cu mester entrega mas, nos ta na mesa hibando dialogo, cual ta mas facil awor, pasobra nos ta sinta na mesa.
Pa loke ta trata e ley cu mester wordo trata den parlamento pa e retencion di e 12.5%, pa loke ta e concepto di ley, gobierno a keda di manda informacion por escrito. Tabatin algun punto di confusion, pero lo por sali for di esakinan.
Cada sindicato tin su achterban y mester responde na esey. Nos ta tres sindicato na mes un liña. Nos mester bay atende ainda pa wak si e recorte ta den salario of pafor di salario. Aworaki a bini informacion y lo por bini trankilidad. Esaki ta loke a boga pe, despues di e ultimo dos reunionnan, e reunionnan ta bayendo den bon direccion.
Awor sindicato lo bay acudi na miembronan pa asina informa y djey lo mester bay bek mesa cu Gobierno. Esaki ta e direccion positivo cu nos ta bayendo aden.
