Diasabra algo pasa di 7’or y mey di anochi polisnan a sali ey mes di warda, pa un auto cu a alcansa un peaton.
Na yegada di polis, nan a bin haya un homber ariba caminda cu golpi serio na cabes, mesora a pidi ambulance cu urgencia.
Na banda di caminda tawata tin e vehiculo cu a dal e peaton para. Na e sitio nos a compronde cu e homber lo a sali di un cura di cas ey mes, y posiblemente no a pone atencion ariba trafico.
Paramediconan cu a presenta, mesora a atende cu e homber y por a mira cu e situacion ta serio. Mientrastanto polisnan ya a pone e lint geel, pa warda polis di trafico yega y cuminsa cu nan investigacion.
Rapidamente e ambulance a sali direccion Hospitaal cu e victima.
Su situacion no ta conoci.
