Parlamentario Marco Berlis (MEP): 

Aunke cu Aruba a experencia un boom turistico den varios decada, San Nicolaas nunca por a saca mucho probecho di esaki. Den e cuadro di esaki mi ta kere cu awor cu tin varios iniciativa pa reactiva y desaroya San Nicolaas cu proyectonan cu sigur lo stimula cuponan di trabao, inversionnan den infrastructura y demas beneficionan cu por impacta San Nicolaas positivamente, ta mester probecha di esakinan.  

Sinembargo, ultimamente nos por a lesa varios publicacion tocante di e trabaonan cu a wordo para na Secrets, e hotel banda di Baby Beach, pa via di obhecionnan haci encontra di e proyecto aki. Mi ta reconoce y compronde cu tur ciudadano tin e derecho di presenta obhecion contra cualkier proyecto cu gobierno of un empresa kier haci.  Sinembargo, e ta dificil pa mi por compronde con un proyecto manera esaki por encontra obhecionnan, considerando e impacto economico positivo cu esaki por trece cu n’e.

Ami sigur ta pro desaroyo di San Nicolaas, cu pa hopi tempo a wordo nenga e oportunidad di por a participa na e crecemento economico di Aruba. E ta tempo pa nos wak un cambio den San Nicolaas y stimula mas inversionistanan cu varios proyecto pa bin pariba di brug. Nos ta bibando un crisis social y econmico y proyectonan asina aki ta crea oportunidadnan pa tatanan por bolbe pone pan riba mes y famianan por progresa atrobe. Ta papiando aki di 300 cupo di trabao cu ta hopi necesario actualmente pa esnan cu sigur ta desea di tin un empleo.

Hues den un kortgeding a bisa cu gobierno no a atende e bezwaarnan bon. No a motiveer e afwijzing di dos habitante cu ta biba den e area, cu a entrega bezwaar contra di e proyecto. DOW y Welstandscommissie ta di opinion cu nan a motiveer suficiente y lo apela. Ademas nan a dicidi cu nan lo manda un motivering atrobe cerca hues. Hues a para e construccion di e 600 cambernan pendiente di e motivering di DOW y Welstandscommissie. Sinembargo e construccion di esakinan no a cuminsa ainda. Loke a cuminsa ta e construccion di e lobby. Aruba ta siguiendo e desaroyo aki di cerca y nos speransa ta cu lo logra pa continua e proyecto aki cu ta na bienestar di Aruba y San Nicolaas.

LEAVE A REPLY

Please enter your comment!
Please enter your name here