Diahuebs mainta Corte di Prome Instancia a trata un caso den kortgeding cu Sr. Alwyn Lin a cuminza contra Fundacion “Nos ta Aruba” di Sr. Micheal Williams “Ta Williams ta papia”y Sr. Jan de Ruijter. Alwyn Lin a wordo representa pa abogado Kuster y Fundacion Nos ta Aruba a presenta cu su dos miembronan Jan de Ruijter y Sr. Williams, pero sin abogado, unda Sr. Jan de Ruijter mes a hiba palabra.
E demanda di Sr. Lin ta pidi hues pa ordena Sr. Williams pa rectifica su acusacionnan infunda contra su persona, tanto den un carta personal dirigi na Lin, den medio, na Ministerio Publico y tambe den un carta manda pa Minister Presidente di Hulanda Sr. Rutte, Sr. Knops, Tweedekamer, Rey Willem Alexander, CFT y tur otro instancia cu a wordo copia den e carta cu a bay.
Tabata dia 25 di Mei 2020 cu Sr. Micheal Williams a entrega un denuncia contra Sr. Otmar Oduber pa presunto casonan di corupcion, unda Sr. Williams a menciona nomber di un cantidad di comerciante den e carta y a tilda nan di a haci actonan corupto. Den tur e nombernan treci den e carta, ta aparece e nomber di Sr. Alwin Lin, unda ta tilda Sr. Lin di ta un comerciante duduso, cu a laba placa preto di Venezolanonan di e compania Aruba Airlines. E denuncia di Williams, cu despues a wordo manda pa prensa y a bira carta publico ta bisa: “de dubieuze financieel adviseur Alwyn Lin, die betrokken is met zwart geld uit Venezuela bij Aruba Airlines, de uitbreiding van het Arubaanse vliegveld en bij de grondhandel in de Avestruz-zaak. Allen behoren tot de criminele organsatie van Oduber“
Tambe Williams a sigui acusa Lin den e carta cu Lin tabata un bestuurder den APA y door di esey a haya informacionnan di Port City pa cual a haya permiso pa traha boutique hotels den projecto di Port City: “Gebroeders Neme en Alwyn Lin waren leden van de Raad van Commissarissen van APA NV de coördinator van het Port City-project en namen deel aan het ontwerp naar hun inzicht en verkregen daarbij toezeggingen om de verschillende boetiekhotels te ontwikkelen“
Den su demanda, Alwyn Lin a contra aresta tur e ponencianan di Williams y ta considera e acusacionnan aki infunda. Segun abogado di Lin a splica hues, cu ya caba Lin a entrega un keho di “valse aangifte” na Ministerio Publico contra Williams, tambe di belediging, smaad y laster, pasobra nada di loke tin poni den e denuncia di Williams, cu a bay pa mas di 10 instancia y a wordo haci publico door di Williams ta basa riba berdad.
Ta rechasa tur acusacion:
Abogado Kuster a bisa hues cu tur alegacion di Williams ta falso, pasobra Sr. Lin no tin ningun relacion cu Aruba Airlines den ningun sentido, ni serca management, bestuur di e compania of e doño, UBO. Tambe a informa hues cu Sr.Lin nunca tabata forma parti di APA NV, ni ta miembro di raad van bestuur y nunca no tabata. Pues e acusacion cu Sr. Lin a mal usa su funccion den APA pa asina haya permiso di boutique hotel den Port City, ta totalmente infunda. A sigui splica hues cu Sr. Lin no ta un sospechoso den caso Avestrus, pasobra su persona no ta envolvi, pero solamente ta un testigo.
Abogado Kuster a splica hues, cu Williams nunca a yama su cliente pa haci pregunta, pero tampoco a acudi na tur e registronan publico cu ta obtenibel na Aruba pa asina investiga e acusacionan cu el’a trece dilanti. Kuster a bisa cu su cliente Lin no ta politico y no mester tin lomba hancho. Ademas tambe cu su negoshi como consehero ta depende di cliente y cu e acusacionnan infunda di Sr. Williams ta perhudica e negoshi di Sr. Lin y asina tambe su fuente di entrada.
No ta contra Lin, sino contra Otmar Oduber:
Na dado momento, de Ruijter a bisa Hues cu realmente e caso di e fundacion Nos Aruba, cual porcierto no ta registra na KVK, no ta contra Sr. Lin sino contra Otmar Oduber realmente. Eynan hues a cuestiona De Ruijter y Williams, y a señala cu nan a pone Sr. Lin y mas nomber den su carta y aangifte publica den prensa, pues no por djis dicidi pa cambia posicion awor.
Alwyn Lin ta pidi hues pa 1. ordena Williams pa tres dia despues di sentencia, skirbi un carta dirigi na Lin, rectificando su storianan inventa, tambe pa 2. rectifica riba medionan local, y 3. manda un carta pa Ministerio Publico pa rectifica su denuncia haci contra Lin y 4. manda un carta pa tur e instancianan aki, rectificando e storianan inventa riba Lin:
(a) de Gouverneur van Aruba (vertegenwoordiger van de Koning en het Koninkrijk in Aruba);
(b) de Vertegenwoordiging van Nederland in Aruba,
(c) de Tweede Kamer van Nederland,
(d) de Koninkrijksregering,
(e) de Minister van Binnenlandse Zaken en Koninkrijksrelaties,
(f) VVD-Tweede Kamerlid de heer A. Bosman,
(g) SP-Tweede Kamerlid de heer A.A.G.M. van Raak,
(h) de Staten van Aruba,
(i) de Caft (mr. Dr. Hellen A. Van der Wal),
(j) de UN Convention against Corruption,
(k) de Centrale Dienst voor de Bestrijding van Corruptie (CDBC),
(l) Transparency International,
(m) de Groep van Staten tegen Corruptie (GRECO),
(n) de Minister-President van Nederland tevens Voorzitter Koninkrijksministerraad de heer M. Rutte, en
(o) de Staatsecretaris voor Koninkrijksrelaties drs. R.W. Knops
A pidi hues tambe pa stiupla un boet riba Sr. Williams di 5000 mil florin pa dia, pa cada dia cu e no cumpli cu sentencia te na un maximo di Afl. 100.000.00.
Despues cu hues a sucha ambos banda pa casi dos ora largo, hues a bisa cu dia 19 di Augustus lo dicta sentencia.
