Mayron Kock, un hoben soñador, progresista, cu gana di sali dilanti den bida, a fayece awe marduga, despues cu repentinamente el’a bira malo riba vuelo pa Miami, haciendo cu American Airlines mester a debolbe pa Aruba.

Riba paginanan social, por mira con su amistadnan ta tristo y yorando su partida.

Segun su amigonan, e ta den planes pa contrae matrimonio cu su pareha, pa cual ya caba conversacionnan a cuminza pa loke ta e organisacion di e celebracion aki.

Asina tambe un amigo a post e ultimo potret el’a saca, hasiendo un “try out” foto shoot.

Otro amistad, a post riba otro recuerdonan, unda Mayron a start otro tipo di negoshi, mustrando asina cu ta ampliando su actividadnan empresarial.

Gran cantidad di amistadnan di Sanicolas, unda ta e cuna di Mayron.

Sinembargo Mayron mes ta bibando y hasiendo su negoshi na Papilon, unda tur mainta tempran ta prepara su atv’snan pa bay tour y a amplia tambe den otro negoshi, di mantencion di pool.

Tambe por aprecia fotonan, unda Mayron Kock ta un carnavlista del alma. Su presentacionnan den carnaval ta den gran forma, unda por bisa cu Mayron a sa di disfruta su carnavalnan.

Segun informe ricibi, Mayron a bira malo riba vuelo, unda flight attendantnan a constata un situacion agudo y a instrui e piloto pa bira e avion mesora pa bolbe Aruba.

Den condicion critico a transporte pa hospital unda a cuminza cu tratamento mesora.

Den hora di marduga e ta fayece, y segun por compronde, dor di un situacion cu a bay robes.

Su pareha a keda deteni pa autoridad pa por aclara o duna informacion riba e susedido.

Solo di Pueblo ta extende condolencia na su famianan, na su pareha, yiunan y tambe na un cantidad grandi amigonan cu ta yora su partida.

LEAVE A REPLY

Please enter your comment!
Please enter your name here