Dialuna mainta Minister Bikker a elabora riba e impase cu e tin cu Minister Lopez Tromp. E topico relaciona cu piscamento cu harpun, “spearfishing” tambe ta un di e motibonan di desconfiansa den Lopez Tromp. Minister Bikker a contra aresta tur e ponencianan di Minister Lopez Tromp y a indica cu e minister a lansa atake riba dje, ridiculis’e, bay contra decision di ministerraad, pone eenheidsbeleid un banda y tambe cu Marisol a trece mentira dilanti riba e tema aki.
Segun Minister Bikker cu Partido POR tin un mandato electoral pa e topico di pisca cu harpun. Desde tempo cu su persona tabata den parlamento na 2015, un delegacion di tur fraccionnan den parlamento a bay Saba, a base di proposicion pa reglamenta e tema aki. Bikker a bisa cu nos tin un mandato electoral p’e. Nos a tuma decision den ministerraad, un maneho di un gedoogdbeleid, persoonsverbonden gedoogdbeschikking, basa tambe riba reglanan Hulandes. Nos a consulta Ministerio Publico y tambe a consulta officier di Kustwacht y a haya positief advies for di nan. A bay over na crea un sistema di registracion y vergunning. Tin un concepto di ley cu a wordo traha y ora bo ta bini cu un begustigendbeleid, bo por anticipa riba dje y a dicidi riba dje den ministerraad.
Minister Lopez Tromp a ridiculisa Minister Bikker na Savaneta:
Bikker a sigui bisa cu apesar cu Marisol sa cu tin un deciscion den ministerraad, el’a dicidi pa bay tene un rueda di prensa, pa ridculisa mi persona y Minister Chris Romero comosifuera cu nos no sa di ley. Aparentmente el’a bira experto riba ley. Marisol a pone un pone un hoofd van dienst bisti cu un sombre pa bin sinta critica nos tambe, critica bo propio coleganan minister. Ora bo ta den ministerraad bo ta supose di tin eenheidsbeleid, overleg cu colega y respeta colega minister y no bay tene rueda di prensa y pone hoofd van diesnt ataca dos colega minister. E tipo di cosnan aki constantemente ta pasa. Ora ma tuma nota di atakenan aki, mi a bisa cu mi no por bay sinta mas den ministerraad, unda nan ta smile cubo, y djey ta sali atacabo. Esaki no ta acceptabel mas.
Marisol no a papia berdad riba e asunto di harpun:
Minister Bikker a sigui bisa: Durante e rueda di prensa di Marisol na Savaneta, el’a bisa cu nos mester bay parlamento, cual no ta berdad. E e verbod cu a wordo introduci na 2001, ta un decreto e ta, e ta un regel. Decreto ta wordo traha na nivel di Gobierno. Tur tempo tabatin hopi hende eyfo cu a bini cu accion di firma. Nos Partido a haya un mandato electoral. Nos a bay Saba unda nan por pisca cu harpun. “Esaki ta keda un decreto.” Un grupo varios aña ta keda bin cu accion di firma pa e tema aki di pisca cu harpun. Bikker a sigui bisa cu su persona hunto cu Chris Romero a bin cu un begustigendregeling, mientrastanto ta introduci un vergunning, e ora bo ta duna un gedoogdbeleid. Aworaki Marisol ta bini cu full un storia, cuminzando full di nobo, pa alarga e proceso, y cu ni pa 2028 nos lo no keda cla y riba dje e ta gaña tambe, creando e imprecion cu nos ta haciendo algo cu no ta corecto, siendo nos tin hopi tempo ta bezig cu e nota cu nos a presenta y aproba den ministerraad.
Director Gisberth Boekhoudt a bisa cu harpun lo daña coral:
E meneer ey nunca a yegi landa. Esnan cu di berdad sa di pisca cu harpun sa cu bo no ta bay banda di coral, sino den lama grandi bo ta pisca. E tipo di percepcion ey ta trece mal informacion y ta purba spanta cu ta bay daña coral.
Ora mi a wak e conferencia di prensa di marisol, ma wak cu pa 2028 nos lo no keda cla cu e asunto aki. Eleccion ta cana di cas pa cas. Bo lo bay topa cu hendenan cu lo bisabo cu for di 2001, no por pisca. Bo ta haya un mandato electoral. Piscadornan ta puntra: Dicon te cu awe boso no por keda cla?
Ora a wak e rueda di prensa di Marisol, bo ta bay cuminza full di nobo atrobe, cu mal informacion y un hoof van dienst cu ta bini cu statementsnan cu no ta cuadra.
Por sigui e rueda di prensa cu Bikker ta referi na dje, na e video aki.
