Atan Lee (74) a fayece repentinamente diasabra mainta

0
1216

Diasabra mainta e informe a drenta cu Atan Lee a fayece repentinamente na su cas na edad di 74.

Atan Lee tin un trajectoria grandi, y a haci hopi pa su isla.

A traha hopi aña pa Gobierno y tabata encarga cu asuntonan protocolar.

Tambe Atan Lee tin hopi aña den certamen di belleza na Aruba. Tabata franchise holder di Miss Universe y a organisa un sin fin di eventonan asina.

Tambe Atan ta un fiel creyente den Virgen di AltoVista.

Den ultimo añanan, Atan a lansa su voz tambe riba poltica y tabata opina cu Aruba mester cay bao di Hulanda.

Den añanan 80, Atan a yuda Betico Croes den e lucha pa Status Aparte.

Apesar di su vision, dos siman pasa Atan a expresa su apoyo pa Partido MEP den proximo eleccion dia 25 di Juni, sosteniendo su sobrina Shai.

Solo di Pueblo ta extende palabra di condolencia na su esposa, yiunan, Dochi Lee, Ramon Lee, Yvonne Dabian-Lee y tur demas rumannan y famianan.

Cu Atan sosega na pas.

LEAVE A REPLY

Please enter your comment!
Please enter your name here