Dene buki di Proverbionan capitulo 10:22 ta para scirbi: Ta e bendicion di Dios ta haci rico, y E no ta agrega tristesa na dje.
Tin hopi hende cu ta rico, pero nan bida ta miserabel, nan no tin pas y nan no tin trankilidad,hopi dificultad pa drumi anochi pasobra nan rikesa no a bini for di e fuente corecto.
Pesey mes e palabra di Dios ta bisa pa no envidia e malbado, esaki ta un palabra especialmente pa e hobennan , kende hopi biaha ta mira un hende rico y ta cuminsa papia y bisa mi kier ta manera tal y tal persona e tin hopi placa y e no tin nada di preocupa cune.
Hopi biaha e persona rico ey ta desea di ta simpel pa asina e por bay beach ora cu e kier, cana den mondi sin miedo, sali di su cas anochi sin preocupacion etc.
Den e mundo tin hopi engaño y hopi ta bruhando emocion cu bendicion.
Na prome lugar tene esaki bon na cuenta:
* Si bo tin di haña algo bao di man e no ta un bendicion e ta un corupcion.
* Si bo tin di kibra matrimonio y famia di hende pa bo busca bo felicidad e no ta bendicion.
* Nada horta of haña den forma di triki of falsedad no ta un bendicion.
* Si bo tin cu mete cu bruheria of santeria y scuridad pa yega na placa e no ta un bendicion
* Si bo tin di bende bo curpa pa yega na placa e no ta un bendicion e ta prostitucion.
* Si bo tin di rechasa Dios di un of otro forma, pa bo yega na placa e no ta un bendicion.
* Si bo tin di traiciona un hende pa e perde su bida pa abo keda bon para e no ta un bendicion.
* Si bo tin di gaña pa bo keda bon cu hende, mientras otro ta sali perhudica e no ta un bendicion.
*** Bendicion di Dios semper ta siña hende warda riba Dios.
*** Bendicion di Dios nunca ta bay contra di e palabra di Dios.
*** Bendicion di Dios ta pa tur hende cu ta busca Dios di henter nan curason.
*** Bendicion di Dios ta bini di Dios mes y semper ta na tempo.
Pesey ora bo pidi Dios algo especialmente ora un persona ta bay casa, e mester warda riba Dios, pasobra mescos cu Dios sa bo deseo, diabel tambe sa bo deseo, y diabel ta pura pa mustra bo algo cu ta lombra, cu ta den yugo desigual cu por bruha henter bo bida, pasobra bo no a warda.
Bendicion di Dios ta bini door di Fe ,trabao duro, esfuerso y perserverancia,gracia y fabor di Dios,pasobra Dios sa ken merece.
Ora Dios kier bendiciona un persona, no tin nada na mundo pa strobe di ricibi su bendicion.
Wak bon den cuanto cos Hose yiu di Jacob a pasa aden , toch Dios a cumpli su proposito den dje.
Semper ora Dios kier bendiciona un hende , oposicion ta lanta, pasobra no ta tur hende por celebra victoria di nan prohimo.
Bendicion di Dios semper ta trece pas, Bendicion di Dios semper lo wordo bon y corectamente reparti.
No sea gaña , mi rumannan stima, Tur bon regalo y tur don perfecto, ta for di ariba, y a baha for di e Tata di lusnan,serca kende no tin variacion, ni sombra di cambio.( Santiago 1:16-17).
No bruha bendicion di Dios cu emocion no laga ningun hende gaña boso.
Sinceramente , Pastor Marcel Balootje.
