E no ta corda cu el’a duna su amigo Sussebeek hopi tereno, ni tampoco cu el’a haya hopi placa
Ex Minister Benny Sevinger a hunga pa hende loco dilanti huez diaranson mainta. Diripiente el’a bisa huez cu e no ta corda, y e no ta na altura cu el’a firma asina hopi tereno pa Sussebeek. Tampoco e ta corda cu Sussebeek a dune asina hopi placa, pasobra e mes no ta encarga cu e fundacion y e no sa ken ta haci donacion.
Pues, den otro palabra, Benny a hunga pa loco, laba man y benta tur cos riba Sussebeek.
SOLO DI PUEBLO ta constata cu Benny ta contradici su mes, pasobra den caso di Roberto Rincon, e mes a declara cu e ta screen tur hende. Ora a puntre con e ta screen, el’a contesta via google.
Pues, su ponencia cu e ta firma tur peticion sin wak nomber, ta poco dimas. Ta un hende cu kier hunga loco so por gaña huez dje forma aki.
Mas alew ora cu Pieter Sussebeek ta su intimo amigo y nan ta core mountain bike hunto tur weekend.
