Parlamentario Benny Sevinger minimo por keda 26 dia cera, cual ta forma parti di e prome parti di e procedura, di 2+8, +8, +8. Asina su abogado a declara awe atraves di 24ora. mr. David Kock cu ta representa Benny y su esposa, a bisa cu e proceso lo wordo vigila “day by day”, y den e prome fase aki, no por bisa mucho, pasobra e investigadornan tin hopi espacio pa haci nan investigacion.
Embergadura:
Sinembargo den mes rosea Abogado Kock a bisa mirando e embergadura di e caso, mirando tur loke husticia a acumula na prueba, y cu poco poco lo bay ta confrontando Benny cu tur prueba cu nan tin, ( y nan tin hopi!), por spera cu e detencion di e parlamentario lo no ta cortico, pero mas bien largo.
Hoofdverdachte, sospechoso principal:
Benny ta wordo sospecha di ta hinca den un organisacion criminal, unda hunto cu otronan a traha pa asina faborece nan mes. Kock a splica cu si bo mira con nan a cuminza cu e chikitonan prome, djey keda bay pe grandinan, ta mustrabo cu e top di e piramide ta Sr. Sevinger.
Sr. Kock no ta mucho postivio cu Benny lo sali lihe. Sinembargo segun e dianan bay ta pasando, cualke momento cu e haya oportuno, e por cuminza un caso pa pidi su liberacion.
