Dilanti famia, amigonan y conocirnan, a habri un biaha mas e tienda di chuculatinan artesanal na Aruba cual ta ChocoGlam. Nelkis Arends propetaria a bisa cu 8 aña pasa e la cuminsa cu un idea di cuminsa traha cu mesun chuculati, ya cu e ta un chocolate lover, y semper su deseo tabata pa traha un liña di chuculati cu e label di Aruba. Mei mei di amigonan e la cuminsa bende su chuculatinan y asina poco poco e producto a cuminsa gara mercado. Cu tempo a habri un kiosko na Boegeoroei y aki tabata ofrece nan clientela nan variacion di BonBon, Brownies, Shakes y diferente areglonan pa tur occacion.
Lamentablemente durante pandemia mester a sera e kiosko pero si a sigui bende e producto online y via pedido y tambe a cuminsa distribui algun di nan productonan manera Covered Marshmallow den differente supermercado.
Nelkis semper a keda traha cu e meta pa por bolbe habri ChocoGlam atrobe pa asina e por sigui sirbi su clientenan. Nelkis a conta nos cu e ta Encanta mira cara di e clientenan ora nan purba su productonan y e comentarionan cu e ta ricibi. Despues cu a keda busca un bon localidad a presenta e oportunidad pa asina por habri ChocoGlam den e edificio di Maggy’s den Caya Principal.
Diabierna ultimo na occacion di corta sinta cu a ser efectua pa Sra. Audrey Lacle y Nelkis Arends tabata presenta tambe Minister Endy Croes cu tambe a hiba palabra y a duna Famia Arends hopi exito.
Chocoglam tin un variacion di BonBon manera di Lamunchi, Strawberry, Kiwi, Orange, Pineapple, Rum Papiamento, Ponche Crema, Baileys y mucho mas. Tambe nan Strawberries and Cream, Covered Strawberry , Covered Marshmallow , Brownies , Shakes y hopi cosnan mas, tambe nos ta recomenda e Aruba Line y awor tambe tin Vegan Ice Cream cu ta un must pa purba.
Bo ta keda cordialmente invita pa bishita ChocoGlam entre 10or di mainta te cu 8or di anochi. Por drenta Chocoglam for di dilanti di Maggy’s of banda patras pa e acceso directo na ChocoGlam.
