Jaburibari/Papaya – Diamars merdia compania di seguro a yega ariba e caminda di Papaya pa Jaburibari, unda tawata tin un accidente chikito.
Tawata trata di un boksmento entre un Nissan March y un Toyota Van.
Segun chauffeur di e Van, e lo a subi caminda pero e Nissan March maneha pa un dama tawata bin cu velocidad hopi halto.Esaki a pone cu aunke e March a trata na evita toch ta dal contra e parti robes dilanti di e Van.
Basta rato a pasa y despues e dama lo a cuminsa sinti poco dolor y a bay over na pidi un ambulance.
Na final polis y ambulance a presenta, unda cu Paramediconan a atende cu e dama na e sitio pa e golpi cu e lo a sufri.
