Ta masha notabel ora nos kier complace cu hende of agrada hende y no ta tene cuenta cu Dios.
Cuanto biaha nos como hende ta wak pa nos mantene un amistad, pa un hende keda smile , of pa un hende haña su satisfaccion, anto lubida cu nos no ta agrada Dios ningun momento ora nos haci esey,
Complace cu hende den pica of bay di acuerdo cu nan sabiendo completamente bon cu Dios no ta acuerdo ta haci nos complice.
Hari ora nos mester ta serio y demostra cu nos ta participa den bagamunderia, ta mustra falta di sinceridad cu Dios.
Nos no ta yama pa haci cos pa hende mira, ni tampoco pa hende keda contento pero nos ta yama pa agrada Dios.
Ora nos como mayor disiplina nos yuinan, coregi e hoben , y mustre cu e tipo di actitud y pensamentonan contrali na palabra y boluntad di Dios no ta hiba na crecemento stabiel den su bida, e yiu porta no ta keda contento , pero Dios si ta wordo agrada, pasobra esey ta un mandato di Dios pa mayornan.
Ora nos ta bisa un amigo of amiga su berdad, por ehempel cu si bo ta casa , bo no por tin mas homber of muher den bo bida pasobra esey ta adulterio, y si bo no stop e por tin consecuencia grave pa bo,
E amigo of amiga por rabia cu bo, y papia hopi cos, pero bo conseho na bo amiga/amigo ta agrada Dios.
Ora un hende ta haci redo, papia malo di tur hende, ta yega un momento cu e tin cu stop, esey ta e momento cu e yega serca bo persona, pasobra abo mester mustra cu esey no ta di Dios, cu redo no ta agrada Dios.
Pero si bo ta huse como fuente di informacion, e ta contamina bo tambe, y haci bo parti di su drama.
Pasobra ta fabor di hende mi ta busca awor,of di Dios,Of ta hende mi ta trata di agrada? Si ainda ta hende mi tabata trata di agrada, lo mi no tabata un sirbido di Dios.( Galationan 1:10).
Ta masha facil pa elogia hende pa servicionan cu nan ta duna,pero nos no mester lubida cu e palabra ta bisa:Tur loke boso ta haci , haci boso trabao di curason como pa Señor y no pa hende. Sabiendo cu ta for di Señor,boso ta ricibi e recompensa di e herencia.Ta Señor ta Esun cu boso ta sirbi.Pasobra esun cu haci malo lo ricibi consecuencia di e maldad cu e a haci, y esey sin distincion di persona.(Colosensenan 3:23-25),
Laga nos no sirbi pa bista, pero sea obedecido den e sinceridad di nos curason. No haci cos manera esnan cu kier agrada hende.Nos mester haci e boluntad di Dios di nos curason.y no lubida cu tur bon cu nos haci nos lo ricibi esey bek di Señor.
Ora Dios a manda profeta Isaias bisa Rey Ezekias ,regla bo asuntonan di bo cas pasobra bo ta bay muri,y no ta keda biba, Rey Ezekias a bira su cara pa muraya y haci oracion na Señor bisando:Mi ta rogabo O Señor corda awor con mi a cana bo dilanti den berdad y cu henter mi curason, y haci bon den bo bista.( Isaias 38:2-3).
Ningun momento so e no a menciona cuanto hende e agrada, pero e menciona cu e a cana den boluntad di Dios, y den e berdad di Dios.
Ora un hende su caminda ta agrada Señor , E ta pone hasta su enemigonan keda na pas cune.(Proverbionan 16:7).
Sinceramente Pastor Marcel Balootje.
