Durante e programa Interes di Pueblo na Top FM 95.1 diasabra ultimio, drs. Shailiny Tromp-Lee a comparti detaye riba su rol breve pero significativo como presidente interino di Parlamento di Aruba. El a splica cu despues cu e presidente anterior a baha na september, el a asumi e funcion di vice-presidente, loke a ponโe den e posicion di dirigi Parlamento temporalmente.
Dia 7 di januari ultimo, despues di validacion y aprobacion di e credencial di e miembronan di Parlamento number 12, Raymond Kamperveen a conclui cu su papel como presidente. Tromp-Lee a asumi e presidencia dia 8 di januari, liderando no solamente e sesion inaugural di huramentacion di e parlamentarionan, sino tambe e reunion caminda a defini e cargonan di presidente y vice-presidente pโe periodo 2024-25.
โTabata un homor pa eherce e funcion aki, aunke solamente pa un dia. Ta un tarea cu ta rekeri preparacion, dedicacion y garantisa semper pa democracia prevalece,โ Tromp-Lee a comenta. El a destaca cu e dia a transcuri sin contratempo, cualificandโe como โsmoothโ y seรฑalando cu tanto e ceremonia di huramentacion como e sesion di nombracion tabata un exito.
Finalmente Parlamento a scoge Gerlien Croes como presidente y Mervin Wyatt-Ras como vice-presidente pโe periodo legislativo nobo aki. Tromp-Lee a conclui expresando satisfaccion pโe resultado di e reunionnan y su compromiso cu e fortalecemento di democracia parlamentario na Aruba.
