// Votacion den Eerste Kamer a termina unda mayoria a pidi pa duna Aruba mihor intrest

Den Haag- Un mayoria den Parlamento di Eerste Kamer kier pa Aruba haya un porcentage di interes faboral riba e prestamo di pandemia. E prestamo di pandemia a wordo financia pa Hulanda luna pasa, cual ta na un suma di 915 miyon florin na 6.9% di intrest. E combersacion cu promer minister Wever-Croes a tene cu e Comicion di relacion di Reino dos siman pasa ta parse di a duna fruta of ta fructífero.

Por lo menos 5 partido no ta di acuerdo cu e decision di secretario di Estado Van Huffelen pa cobra Aruba 6,9 % di interes pasobra e pais no kier pa supervision financiero ta hinca den un ley rijkswet.

Si Aruba coopera, e tasa di interes lo baha cu na 3.4%. Parti di Parlamento di Eerste Kamer, manera a resulta 2 siman pasa den un debate cu secretario di Estado. e ta considera e medida aki uno inadecua dor di e relacion cu otro den reino.

E critica aki ta wordo sigui den un serie di pregunta di e miembronan di e Comsion di Relacionnan di Reino di Eerste Kamer, PvdD, BBB Volt OPNL a manda pa secretario di estado Van Huffelen.

E gruponan menshona a caba di haña mayoria cu 36 asiento. Aparentmente, CDA, , D66 y ChristenUnie tambe ta di acuerdo cu e compromiso proponi.

Miembronan di E fraccion PvdD a hasi partialmente den nòmber di e miembronan di e grupo Groenlinks-PvdA

  1. Kico ta e suma cu Aruba mester paga den interes total basa riba e contract di prestamo cera y cuanto mas cu si Aruba a cumpli cu e condicion cu un Ley nacional di Supervision Financiero di Aruba lo a wordo establece?
  2. Si e ordenansa nacional di supervishon finansiero di Aruba a inclui normanan di presupuesto similar na esnan contene den rijkswet, bo lo a considera e ley como un regulashon sólido di supervishon finansiero?
  3. Aruba a ofrece su mes na un momento pa amenda e ley di tal manera cu e ta inclui normanan di presupuesto comparabel cu esnan contene den e proyecto di rijkswet? Si ta asina, con a contesta e proposicion ey?
  4. Ki indicacion tabatin cu Aruba lo no cumpli cu su obligacionnan di pago cu, na su opinion, tabata presenta un riesgo asina cu mester a stipula un tarifa di interes hopi mas halto? Dicon no tin e riesgo aki si Aruba mester incurre den interesnan hopi mas halto?

Esaki ta un partid di e preguntanan.

E conclucion cu SOLO DI PUEBLO ta saca ta cu Minister President Sra. Wever Croes a logra convence Eerste Kamer, kende a vota den un mayoria, pa haya habri un porta atrobe cerca Secretario di Estado y pa asina haya un mihor trato di Hulanda.

Pabien Sra. Wever Croes cu bo viahe pa Hulanda cu ta mustra cu a cuminza bolter e cartanan awor na fabor di Aruba.

RELATED ARTICLESMORE FROM AUTHOR