Oranjestad- 21 di mei 2021 –Aruba Bank a forma parti di e proyecto di profielkeuze di Colegio San Antonio.
Pa e Proyecto aki e empleadonan di Aruba Bank a graba un video cu ta duna un tiki mas splicacion di nan trayecto personal pa yega na nan funcion actual desde cu nan a caba nan studio secundario pa despues sigui diferente otro estudio y yega na haña un trabao/ carrera na e institucion financiero, Aruba Bank.
E meta di e video ta pa motiva cada studiante pa kies e materia economie y alabes mustra nan e diferente posibilidadnan cu e estudia aki ta brinda nan den e sector bancario. E video a wordo comparti cu e studiantenan y lo fungi como un extra tool durante e añanan venidero.
Pa Aruba Bank e tabata mas cu un honor pa brinda e studiantenan informacion necesario cu por yuda nan
den nan escogencia pa un futuro profesion.
Danki na staff y team completo di Colegio San Antonio pa aserca Aruba Bank y na tur empleado cu a forma parti di e video di un manera of otro.
