Drouwen, Drenthe: E caso tristo y violento aki a tuma luga riba 27 di februari 2022, riba un parkinglot na Boomkroonpad na Drouwen. E motibo principal tabata un pleito anteriormente entre e tata (47) y mama di su yiu. Segun e tata despues di e pleito pa e calma e tata a bay cu su yiu homber (1.5) dal un keiro na Boomkroonpad. Mientrastanto e mama cu a keda cas a yama polis tur desespera bisando cu e tata a bay cu su yiu.

E tata despues di a haci un cana basta largo cu su yiu a yega bek riba e parkinglot, pa su sorpresa e la bin topa dos agente policial. E polisnan a bisa e homber cu e ta keda deteni pa violencia domestico. Segun e agentenan e homber a reaciona basta trankil y a brasa su yiu. E criatura tabata tin hopi frieu y e agentenan a permiti e mucha sinta den auto cu e tata cu a wordo deteni. Na momento cu nan tabata sinta den e patruya e tata a hinca su mes y despues a bin ripara cu e la hinca e criatura tambe, esaki segun Ministerio Publico.

E agentenan mesora a usa un taser pa asina nan por a domina e homber. Na e momento ey ainda no tabata conoci cu e criatura tambe a wordo hinca, ta te ora e mama a presenta na sitio e la nota cu su yiu a wordo hinca den pecho, entre otro na un ader mayor y tabata sangrando profusamente.

E tata a admiti di a hinca su propio yiu, durante interogacion e la bisa polis cu e la hinca su yiu pasobra e lo kier spaar su yiu di haya e mesun bida cu e ruman grandi y e la hacie na un forma cu e agentenan policial no por a mira cu e la hinca su yiu.

Officier van Justitie a conclui, a base di e declaracionnan di e homber sospechoso, cu e plan di a hinca su yiu a cuminsa na moemento cu nan a sinta den e patruya. Pa e motibo aki Officier kemen no ta trata di intento di homicidio pero un intento di asesinato. A base di consehonan e sospechoso ta menos toerekeningsvatbaar y banda di esaki tin consehonan di profesional cu e sospechoso mester di un tratamento necesario pa un tempo largo, pa asina evita cu e lo por bolbe comete actonan asina.

Fiscal: ” E yiu lo mester biba e resto di su bida recordando e incidente aki ora e mira e cicatriz riba su cashi pecho. Actualmente e no ta realisa su mes, pero cu tempo e lo cuminsa haci pregunta. Y ora e puntra mester bis’e honestamente cu su propio tata a intenta di mat’e. E ta un berdad hopi cruel cu e criatura mester sigui biba y carga esaki pa resto di su bida.”

Fiscal a exigi 5 aña castigo di prison y TBS como condicion. Pronto corte lo dicta sentencia

LEAVE A REPLY

Please enter your comment!
Please enter your name here