Husticia Argentino a ordo diadomingo e inval den propiedadnan di e dokter personal di Diego Maradona, despues di a tuma declaracionnan di famianan di e exfutbolista, cu a fayece diaranson di un atake di curason, Ministerio Publico General di San Isidro a bisa den un comunicado.
E medidanan a wordo ordena pa e hues di garantia Orlando Diaz, riba peticion di e fiscalnan cu tin e causa.
“Den e dia di ayera (diasabra) a sigui cu e tareanan investigativo y e substanciacion di e prueba den curso, tumando na cuenta ademas algun declaracion testimonial inclui na e famianan directo di e causante,” e comunicado ta indica.
“Den virtud di e prueba cu a wordo acumula, a considera necesario solicita inval den e domicilio y consultorio di e dokter Leopoldo Luque,” Ministerio Publico di e zona nort di e suburbionan di Buenos Aires a añadi.
E causa di morto di Maradona tabata tin e front page di “homicidio culposo” y “abandono de persona,” segun medionan local.
Maradona, considera un di e miho futbolistanan di historia, a fayece cu 60 aña, den un noticia cu a sacudi mundo di deporte.
E carismatico futbolista, campeon di mundo cu e seleccion Argentino den Mundial di 1986, tabata tin varios problema di salud y siman pasa nan a practica un cirugia craneal.
Bisti cu e jeersey di e seleccion Argentino cu su historico number 10 den lomba, su silueta caracteristico dilanti, club y arbirtronan Argentino a duna diasabra e inicio di un serie di tributo na e exastro.
