E reclamonan di pueblo no ta stop. Awendia, e sector di construccion a bira un peliger pa hopi cas di famia pa motibo di hendenan cu ta busca placa facil y rapido. E patronchi ta ripiti su mes casi tur dia: contratistanan o trahadonan ta tuma un trabou, ta duna cara pa dos o tres dia pa haci como si nan ta traha, y despues ta desaparece laga trabao y laga cliente cu e man na cabes.

Mientrastanto, e pober clientenan ta keda cu e daño financiero y emocional.  

CON PA PROTEHE BO MES:

Pa no cay den e trampa di e abusadornan aki, tene e siguiente advertencianan na cuenta:

 NUNCA paga nada por adelanta: Ni 50%, ni 20%, ni un cent prome cu bo mira material o trabou haci.

Pago strictamente pa avance: Si bo ta firma un contrato, hacie hopi cla cu ta bay pagando poco a poco segun cu e trabou ta keda cla y verifica pa bo mes.

Exigi responsabilidad: No confia riba palabra di boca. Laga tur cos bon stipula por escrito pa bo no perde bo inversion.

Exigi copia di identificacion di e contratista.  

No laga ningun hende hasi wega cu bo  trabou y bo placa!

E contratista cu pidibo 50% por adelanta, ya bo sa caba cu e no ta cumplido.   Ya bo sa caba cu ta placa e kier.  

Un contratista corecto,  lo pidi avanse segun e trabao cana.