En conexion cu luna di conscientisacion tocante prevencion di candela cu a wordo observa october ultimo, Integrated Security Services (ISS) a haci varios campaña, incluyendo un competencia di pintura pa muchanan entre 4 y 9 ana.

Recientemente a tuma lugar e ceremonia di otorgamiento di premio pa e muchanan cu a entrega e pinturanan mas creativo. E muchanan cu a gana e competencia aki a ricibi un bunita premio cu a wordo sponsored door di Top1Toys.

A saca 6 ganadornan for di tur e pinturanan entrega. E escohencia no tabata facil, ya cu tur e participantenan a haci un hopi bon trabou.

ISS ta felicita e muchanan talentoso aki y ta sumamente agradecido na tur cu a participa na e competencia y tambe na Top1Toys pa nan sosten.

LEAVE A REPLY

Please enter your comment!
Please enter your name here