Den e carta di retiro, entrega dor di Sr. Leonardo Figaroa, el’a trece dilanti un serie di reclamo riba e maneho di Lider di Partido A21, riba varios aspecto.
Pathological Liars:
Den punto A, Figaroa ta bisa cu ta inacceptabel pa su persona cu un lider di Partido ta expresa su mes asina malo di candidatonan yamando nan “pathological liars” y abiertamente den partijraad ta papia di un forma hopi baho di un miembro di Partido. Ta inacceptabel tambe pa su persona cu un lider di Partido ta bisa den un partijraad cu e no tin confiansa den un miembro, esta Sra. Lejeuz y no ta purba na drecha e relacion.
Mas leeuw Sr. Figaroa ta sigui menciona den punto b) cu ta inacceptabel cu un lider di Partido to expresa su mes di tal forma yamando su persona un “pathological liar” y bisando cu e mester busca ayudo psychologico pasobra e tin un diferentia di opinion cu su maneho.
Tambe den punto C, por lesa cu ta inacceptabel cu despues di election lider di Partido ta haci expressionan unda cu Partijraad ainda no a dicidi kico lo to e futuro di Accion2l. Si nos lo ta formando parti di gobiemo of no. Articulo 11 inciso 1 ta bisa esaki, riba diasabra anochi Sr. Mansur a haci expresionan sin cu Partijraad a haya un espacio pa discuti esakinan y riba di 2 di juli a tene un conferencia di prensa un biaha mas sin tin claridad ainda riba e asunto di impase cu su persona, Sra. Lejeuz y Partido
Tambe Fiagroa den punto d) di e carta ta haya inacceptabel cu un Lider di Partido ta manda un watsapp 1 di juli 2021 na enfoke 90 pa Sr. Andrade y Sr. Paskel informando nan persona cu Partido ta hacienda un Schoonschip, Esaki ta information treci padilanti di un manera hopi informal y mahos y un biaha mas violando articulo 11 inciso 1 unda to haci aparencianan publico den nomber di Accion2l sin consulta cu Partijraad
Finalmente den punte e), Leonardo Figaroa a sigui skirbi cu ta inacceptabel cu Sr. Mansur no a retira como presidente di directiva asina violando articulo 12 inciso 12, mirando cu su persona a postuta su mes riba un lista politico, siendo esaki no mag. Tur esakinan ta e desacuerdonan cu tin den Accion 21, unda e candidato hoben, Leonardo Figaroa, a dicidi di entrega su retiro y a manda e carta aki pa directiva di A21.
