Cuminsando e siman aki MANA ta ricibi publico na e entrada di e edificio moderno di glas den Schelpstraat, na banda di e parkeo. E cambio aki ta door cu trabounan di mantencion grandi na tres edficio monumental ta cuminsa pronto. Ta trata di Cas Dundun, Cas di Cunucu y Fruteria. E trabounan aki tin un duracion di cinco luna. E mantencion programa, cu a ser financia door di UNOCA y Ministerio di Finansa y Cultura, ta parti di e proyecto ‘Manteniendo Herencia Bibo den Tempo’. 

E exposicion arkeologico permanente ta keda habri di dialuna pa diabierna di 9’or di mainta pa 5’or di atardi.  Solamente cierto espacionan por lo pronto no lo ta accesibel pa publico. Tambe a haci cambio den ruta pa bishitantenan. 

Pa bishita di gruponan manera scol y camps di vakantie, tin e posibilidad tambe pa bishita e exposicion di Caribbean Ties na Klooster di Imeldahof na Noord te fin di augustus awor. Alavez MANA lo ofrece actividadnan na Noord durante periodo di vakantie grandi. Pa bishitanan den grupo mester traha un cita. Por comunica cu MANA na 582-8979 of via nos paginanan di facebook Museo Arqueologico Nacional Aruba/ National Archaeological Museum Aruba pa mas informacion. 

MANA ta pidi comprension pa e posibel incomodidadnan cu e trabounan indica por ocaciona.  Ora e esakinan ta cla y cu e exposicionnan nobo ta monta, MANA ta mihor ekipa pa sirbi comunidad di Aruba y su bishitantenan.

LEAVE A REPLY

Please enter your comment!
Please enter your name here