Marisol ta den ‘fasttrack’ firmando tereno mane loco; No di 500m2, pero di 30.000 m2

0
3057

Informacion persistente ta drenta, cu ta alega cu Minister Marisol Lopez Tromp kisas no ta cla pa baha ainda como minister, ya cu tin un cantidad di terenonan cu ne momentonan aki ta wordo frima a la ”fasttrack”.

Riba un noticia capta awe merdia na un radio emisora, por scucha un cuidadano ta bisa cu e tin fuentenan hopi bon na altura cu den e ultimo dianan y ultimo oranan, Minister Marisol ta firmando tereno y ta poniendo tambe precion riba DIP pa asina por mande mas stukken di loke ainda e kier firma, prome cu eventualmente e mester retira.

Segun e radio oyente a comenta via radio, cu tin hendenan masha cerca di Marisol, cu a haya tereno masha grandi, di rond 30.000 m2 den huurgrond. E oyente a pone enfasis na hendenan cerca y hasta esnan cu ta cana cu Marisol. E radio oyente no a menciona nomber.

Ainda tin mas terenonan cu Marisol a manda a pidi, pa manda nan documentonan lihe lihe p’abao ( bestuurskantoor) pa asina wordo atendi.

Marisol Tromp mes den rueda di prensa a nenga di lo ta firmando tereno na granel, sinembargo un fuente anonimo a segura cu personanan hopi yega na Marisol a wordo gefix huurgrond di entre 27 cu 30 mil metro cuadra, sin cu e documentonan ta na ordo, y tur esaki den e ultimo 24 pa 48 ora.

Maske e Minister mes ta bisa cu e no sa, e fuentenan ta persisti cu Marisol sa masha bon.

LEAVE A REPLY

Please enter your comment!
Please enter your name here