Su ruman homber, ex-polis, a wordo sentencia dor di huez, pero nunca a sinta castigo di prison

Ministerio Publico mester splica: Ta kico esaki ta?

Tur dia, Patrick Paskel ta bati boca riba tur hende, aparentando di ta un santo. Si tin un persona cu a corona, manera e mes a usa e palabra, ta su persona.

Den Gobierno di Mike Eman, Patrick Paskel tur dia ta corona cu su trabaonan di mercadeo ficticio, unda miles y miyones di florin a wordo cobra, den loke nos ta yama un estafa grandi cu a tuma lugar, sigur den RDA, LOTTO y demas oficinanan di Minister.

Poco dia pasa nos a publica un prueba, unda cu pa un solo dinner cu el’a organisa pa Lotto, el”a cobra 25 mil florin.

Di esaki e no ta papia y no kier papia. E no kier duna cuenta, pasobra mas cu claro, den e cobransanan aki, e sumanan ta asina infla, asina falso, unda nan a comete un estafa tras di otro.

Den RDA a pasa igual, unda cu sin ningun contract, solamenta via di e-mail, el’a logra di cobra casi 1 miyon florin, cual recibonan tambe ta wordo sospecha cu tur ta falso.

Sinembargo, ora cu Patrick ta papia di ruman y ta menciona Edmond Croes su nomber, ta bon pa recorde cu e tin un ruman homber, ex polis, Ronald Paskel, cu a wordo sentencia dor di huez di a actua incorecto, den uniform di polis, ora cu el’a’ drenta cas di hende, sin autorisacion di fiscal y ocaciona un maltrato na e famia encuestion.

Huez a haye culapabel y a sentencia e sinta castigo di prison. Pa straño cu e por sona, Ronald Paskel, segun informacion cu nos a obtene, nunca a wordo busca pa sinta su castigo.

Cu otro palabra, e ta un persona previlegia? Pasobra ta ruman di Patrick Paskel?

Nos ta spera cu Ministerio Publico lo por contesta riba e asunto aki!

LEAVE A REPLY

Please enter your comment!
Please enter your name here