Diaranzon anochi a tuma lugar e di cuater wega di playoff final di NBA basketball unda cu campeon di eastern conference, Milwaukee Bucks a topa cu campeon di western conference Phoenix Suns.
Phoenix Suns den prome y di dos wega a sa di gana e wega, mientras cu di tres wega Milwaukee Bucks a gana esaki y tabata en busca di empata e serie.
Den prome quart di wega, ekipo di Phoenix Suns tabata tin un leve ventaha y ta anota un total di 23 punto contra 20 punto di Milwaukee Bucks.
Den di dos quart, Milwaukee Bucks a tuma un leve ventaha y ta anota un total di 32 punto contra 29 punto di Phoenix Suns y prome mitar a termina den un empate di 52-52.
Den di tres quart, un biaha mas Phoenix Suns ta saca ventaha y tabata parce di tabata riba ruta pa gana e di cuater wega, anotando 30 punto contra 24 di Milwaukee Bucks.
Den ultimo quart, Milwaukee Bucks a sali hopi agresivo pa asina empata e serie y no laga esaki bay pa Phoenix, anotando un total di 33 punto contra 21 di Phoenix Suns pa asina bay cu e victoria cu score final di 109-103.
Asina tambe Milwaukee Bucks ta empata e serie di playoff final 2-2 cu ta haci e serie aki bira hopi interesante.
Top scorer pa Milwaukee Bucks a resulta Khris Middleton cu 40 punto, 6 rebound y 4 assist, top scorer pa Phoenix Suns a resulta Devin Booker cu 42 punto, 1 rebound y 2 assist.
Proximo wega lo ta diasabra awor pa 9:00 pm den PHX Arena di Milwaukee Bucks caminda lo disputa e di cinco wega, ekipo cu gana lo keda na un victoria di e titulo di campeon di NBA Basketball 2021.
