Dialuna mainta, Minister di Enseñansa a acudi na e reunion yama pa Simar pa asina saluda e docentenan como tambe pa scucha nan inquitud. Den un rueda di prensa teni for di SIMAR, Minister Croes a splica cu te ainda no tin nada oficial di cortamento di placa di enseñansa. Tres siman pasa, den forma preliminar el’a informa presidente di Simar riba loke tin riba mesa. Pero awor cu ta tres siman despues e suma ta hopi menos cu 11 miyon, y te ainda ta deliberando. Pues, no tin un suma oficial ainda. Tambe el’a bisa cu e tin 3.5 miyon florin reserva pa inversion. Riba e recorte di 12.6% el’a bisa cu e tin comprension pa e maestronan, pero esey ta algo cu ta den man di Hulanda, pero tin un reunion tumando lugar tambe cu sindicatonan.
