Pa mehora servicio na e ciudadano, como tambe empresario, gobierno lo hace e procedura pa peticion di permiso mas simpel.
Simplificacion di otorgamento di permiso y un loket virtual pa tur peticion di permiso pa negoshi, ta aporta na miho servicio pa cliente pa comerciantenan y na e clima empresarial y di inversion di Aruba.
E leynan di otorgamento di permiso pa negoshi ta anticua. E meta di e maneho economico cual mester ta e base di e leynan aki no ta claro y ta data for di aƱa 1945 y tabata basa riba e situacion di Corsou di e tempo ey.
Den proyecto 1 āAceleracion y mehoracion di proceso di permisoā lo revisa e permisonan di establecemento di negoshi, permiso di horeca, otorgamento di tereno, permiso di construccion y permiso di estadia y trabou, y lo kita componentenan innecesario. Lo formula e meta di maneho di cada permiso di nobo y alinea cu e circumstancianan economico actual.
Esaki por resulta den cambionan di ley. Criterio pa evaluacion di peticionnan di permiso lo wordo explicita y e termino pa decision wordo tuma riba peticionnan hasi lo wordo explicita y acelera.
Minister Geoffrey Wever: āGobierno mester crea e condicionnan pa facilita comerciantenan haci negoshi y innovaā. Una vez proyecto 1 wordo finalisa, proyecto 2 āSistema coherente di permiso tras di un loket virtualā lo cuminsa cu e proposito pa comerciantenan por pidi y haya nan permisonan cu termino claro di decision riba peticionnan hasi. E backoffices di e diferente departamentonan cu ta otorga permiso lo wordo coordina y lo wordo integra unda ta posibel.
Minister Geoffrey Wever: āUn cuadro legal nobo y un structura solido pa un economia nobo unda e comerciantenan por tin e confiansa y garantia den proceduranan concreto y transparenteā.
