Informacion cu a circula durante cambio di aña, ta bisa cu aparentemente Misha Raymond y Guiamo di Partido Raiz lo a entrega nan retiro of lo tin intencion di entrega nan retiro na Ursell Arends.
Segun por compronde cu lo tin varios motibo cu lo entrega retiro. E partido lo a realisa e daño grandi cu e consehero Guiamo a ocaciona. Guiando Misha den caminda incorecto, y sin di por a midi e consequencia cu lo bin.
Un fuerte interno den Raiz a laga sa cu tin hopi desgusto. E motibo cu Geoffrey a laga Raiz, ta pasobra cu e coriente di Guiamo cu Misha tabata tuma posturanan instransigente. Ora a pensa cu Ursel lo a para nan, el’a dicidi pa sigui nan coriente.
Pues, awor cu Misha a causa e daño irreparabel na Ursel, awor parce cu e ta cla tambe cu politica. Tanto Misha y Guiamo ta out y lo tin di busca algo otro di haci.
Pa nan echo di “inteligente”, nan a bay hunga wega di poder, cu a costa ambos awor cu nan ta ‘afuera’. No ta conoci si e retiro di ambos a wordo solicita dor di Ursel, cual tambe por ta posibel.
Partido Raiz cu tabata un partido prometedor, na caminda a converti pa un partido arogante, domina pa un grupito, cu ta hopi sabi den nan tereno, pero no suficiente sabi pa haci politica.
Finalmente lo mester desea nan un bon bye bye.
