Pandemia di COVID-19 ya a laga mas morto na Merca cu e perdida cu a contabilisa e pais durante e cuater aña di participacion den Segunda Guera Mundial.

Desde e inicio di e pandemia, den e pais Norteamericano a fayece 292.179 persona pa motibo di e enfermedad nobo, segun datonan di e Universidad Johns Hopkins.

Mientras cu, segun calculacionnan di e Departamento di Asuntonan di Veterano Mericano, 291.557 militar a fayece durante Segunda Guera Mundial, compara cu loke e pais a drenta na december di 1941.

Otron 113.842 Mericano a fayece p’afo di combate, segun USA Today. Nancy Pelosi, presidente di e Camara di Representante di Merca, a comenta diahuebs durante un rueda di prensa riba e cantidad di morto den e pais y a critica presidente Donald Trump p’esey:

“Nos no tin un presidente unificador di Merca. Es mas, nos tin un presidente cu ta nenga, retrasa y distorsiona, yamand’e un engaño.

Hopi miles mas di persona a fayece door di esey.” COVID-19 ta doblegando e nacion mas rico di mundo, cu mas di 15 miyon di contagio ta encabesa e lista di paisnan cu e mayor cantidad di caso na mundo.

LEAVE A REPLY

Please enter your comment!
Please enter your name here