E proposicion di ley tocante matrimonio di mesun sexo, presenta pa Miguel Mansur di Accion 21 algun luna pasa, ta avansando den Parlamento di Aruba. Actualmente, e proceso legislativo ta den curso, den etapa pa scucha gruponan den comunidad dor di un comicion di parlamentario presidi den e caso aki pa Parlamentario Guedez Erasmus.
Un di e etapanan clave ta esun di scucha diferente grupo den comunidad pa via un comicion parlamentario cual ta wordo presidí pa Sra. Parlamentario Guedez Erasmus. E fase aki ta fundamental pa capta diferente perspectiva y consideracion prome cu bay over cu cu legislacion. Por compronde cu Sra. Guedez a cay poco atrasa, pa motibo cu algun grupo a cancela y mester reprograma.
Den un declaracion reciente, e Presidente di Parlamento, Sr. Edgard Vrolijk, a bisa cu ora cu e comicion finalisa su trabou di scucha tur grupo den comunidad y presenta su informe pf duna lus berde, e lo yama e reunion corespondiente pa trata e asunto. Ademas, el’a enfatisa cu tin algun parlamentario cu ta exigi cu e reunion ta tuma luga den 30 dia, y cu nan lo haya nan contesta alrespecto. E agenda di Parlamento ta den su totalidad, unda tin varios consideracion, por ehempel si parlamentario ta na Aruba of si tin reunion di parlatino, pero tambe mester tene cuenta cu vakantie. E agenda no ta di ningun parlamentario individual.
Ora cu e comicion entrega su informe, lo sigui e fase unda cu e Presidente di Parlamento lo figa un fecha pa e reunion, unda lo tene cuenta cu e procedimentonan y agenda di parlamento.
Pa conclui, e proceso pa tratatamento di e ley di matrimonio di mesun sexo ta na caminda, y ta spera cu na momento oportuno e lo wordo presenta dilanti di Parlamento pa votacion.
