Den un observacion reciente, a nota un patron inusual den e estacionamento di tramdilanti di entrada di Renaissance Mall na Oranjestad. Ta notabel cu e tram no ta stacionando dilanti di e entrada principal di e caya principal, manera dilanti Ex La Linda of Zara. E situacion aki ta lanta preguntanan riba posibel favoritismo y desicionnan cu por afecta e igualdad entre e comerciantenan local.

Ta evidente cu dor di staciona e tram exclusivamente dilanti entrada di Renaissance Mall, ta duna prioridad na un grupo selectivo di comerciante,  teniendo abao otro comerciantenan cu ta localisa na  caya principal. E accion aki por interprete como un desbalansa den e distribucion di turismo y un falta di sosten na e comercionan local ubica na otro puntonan di interes.

Nos ta yama atencion di gobierno, manera tambe di esnan responsabel di tram, sea e director of e directiva of minister,  pa considera e situacion aki y tuma medidanan pa corigi’e. Ta fundamental pa garantisa un trato husto pa tur comerciante, promoviendo diversidad y balance na turista cu ta bishita e isla.

Ken ta tras di e desicion aki? Ta trata di un strategia di e director di tram, di e directiva, of incluso di e propio gobierno y su ministerionan? E preguntanan aki mester wordo trata cu urgencia pa asegura cu e integridad y e igualdad den turismo y comercio local wordo manteni.

SOLO DI PUEBLO  ta spera cu e yamada na accion aki resulta den medidanan concreto cu lo beneficia tur comerciante local y promove un ambiente husto y prospero pa turismo na e isla.

Nos ta di opinion cu e tram por staciona TAMBE dilanti Ex La linda na comienso di Caya of dilanti ZARA,  hasiendo asina un distrubucion husto di fluho turisitico den tur direccion, enbes di priveligia y faborece exclusicamente e mall encuestion,  dor di staciona den su entrada.  

LEAVE A REPLY

Please enter your comment!
Please enter your name here