Parlamentario Endy Croes ta splika cu Aruba ta pasando den momentonan hopi critico. No obstante nos ta den un siman cu retonan grandi unda Hulanda ta pushando Aruba pa acepta un Rijkswet a cambio di plaka cual ta contra e espirito di e Statuut art 38 lid 1 cual ta splika cu Nederland, de Nederlandse Antillen en Aruba “kunnen” onderling regelingen treffen. Art 38 Lid 2 ta spika cu In onderling overleg “kan” worden bepaald, dat zodanige regeling en de wijziging daarvan bij rijkswet of algemene maatregel van rijksbestuur wordt vastgesteld. Pues ta imposibel cu Hulanda eenzijdig kier pusha Aruba style di colonialismo moderno den un direcion asina sin duna Aruba tempo “redelijk” pa por tuma un desicion equilibra. Mas despues lo amplia riba e topico aki.
/// Mientrastanto Ministerio Publico ta keda bou atake den pueblo: Ultimo tempo por tuma nota cu mas y mas Ministerio Publico ta bou atake di pueblo anto bastante feroz. Parlamentario Endy Croes ta splika aunke nos ta keda pidi pueblo pa tene poko mas pasenshi como cu Ministerio Publico mester tempo suficiente pa presenta casonan fuerte unda politiconan corupto manera Benny Avestruz Sevinger of manera Mike Eman cu a tuma plaka preto di Roberto Rincon no por scapa. Nos tin compresion pa pueblo como cu nan ta di opinion cu mas cu 2 aña a transcuri y ainda Benny , Paul y Mike ta cana liber anto cu hopi manteca riba nan cabez. Berdad e caso IBIS di Paul Croes x minister di AVP kende a percura pa duna mas di 2000 ontheffing a cambio di fabor esta soborna hende segun e rekesitor di Fiscal ta uno bochornoso y grandi. E caso Avestrus di
otro x minister di AVP Benny Sevinger y su amiga Leoncita ta uno cu a supera e caso IBIS den magnitud di corupcion y fraude y alaves a comete soborno y pues ta un caso cu a tuma tempo pero Benny no por skapa di esaki y lo wordo persigui. Sumanan di mas di 3.5 miyon dollar a pasa den benta di un solo tereno na eagle. Banda di esaki caso “Wasmachine” di otro x minister di AVP esta x Minister presidente di Pais Aruba Mike Eman himself a tuma plaka preto di Roberto Rincon pa cumpra votos. Ken no ta corda e cierre di campaña cu un lighting parade cu 13 banda musical anto tur cos free of charge. Pues esakinan entreotro ta lokual pueblo ta reklama y ta bisa cu OM ta na soño. Sinembargo nos tarea ta pa kalma pueblo creando speranza brindando Ministerio Publico
espacio pa nan traha y hasi nan trabou usando forsa di ley pa hiba tur cuplabelnan dilanti tribunal pa finalmente hues por huzga politiconan cu a peka contra nos leynan pa nunka
mas nan mishi cu plaka di pueblo.
