Iglesia Catolico semper ta sostene exprecionnan artistico den diferente manera. Esaki nos por mira incluso den nos misanan tanto local como internacional. Exprecionnan aristico no ta keda representa solamente pa medio di arte pero tambe pa via di e capasidad humano cu Dios a regala hende y cu ta keda expresa pa medio di kanto, baile, komedia, musica y diferente otro manera. E ser humano ta usa e capasidad aki pa e por ta kreativo, ofresiendo konstantemente kosnan nobo cu ta refleha bunitesa y e aspecto sosial di e ser humano.

Carnaval ta un aktividad cultural pa medio di cual e ser humano por ekspresa su don di creatividad.

Obispado di Willemstad ta rekonosé cu no solamente e ta un actividad cultural cu ta presenta su mes prome cu e temporada di ayuno y oracion cu ta Kuaresma, pero tambe cu catoliconan a bin ta participa tanto den marcha komo publico cu ta disfruta canto di caminda.

Iglesia nunca a condena carnaval. Pero loke si ku konstantemente Iglesia a para keto riba dje y ta urgí pa drecha, ta e degradacion cu ta trese den e celebracion aki pa medio di bailenan y disfrasnan indecente y algun cansion cu letranan no apropia, pero tambe uso exsesivo di alcohol òf supstanshanan ilegal ku por hiba na komportashon agresivo.

Algun lo argumenta cu pa motibo di e comportacionnan no corecto y cu constantemente ta bini dilanti, ta mas mihor pa un persona mantene su mes completamente aleha for di Carnaval. E posicion aki ta un manera pa presenta un respuesta na e situacion actual pero ta core e risico di perde esnan realmente culpabel pa e situacion aki, cual ta nos comp ser humano y e cultura cu ta impacta esaki.

E posicion Católicono ta cu carnaval ta malo riba su mes. E tumba, kalipso, Soka, elekcionnan di Prins cu Pancho, Rei y Reina, trahenan creativo cu hopi biaha ta keda asosia cu e temporada promer cu Kuaresma, tin cu yuda nos mantene presente cu tin un tempo pa diberti na un manera sano y un tempo di refleccion profundo.

Den Karnaval a keda demonstra e capasidad artístiko di nos hendenan pa medio di creatividad cu a keda presenta tanto pa ku e disfrasnan, road piece y karosa.

Iglesia ta sostene arte, y semper ta encurasha pa yuda spesialmente nos muchanan pa desaroya nan capasidad artístiko spesialmente den nos skolnan básiko y secundario.

P’esei e comunikado aki mester keda mira como un exstencion di e sosten artístiko aki, promoviendo desaroyo pa tur hende riba e nivel aki.

Católikonan ku ta participa den Carnaval nunca mester lubida e aspecto importante aki di loke realmente Carnaval mester ta, y alabes usa e oportunidad aki pa keda evangelisa cu e bon principionan Cristian, invitando otro pa mantene un bon comportacion moral durante e periodo aki. E no ta djis un responsabilidad pero nos obligacion cu ta cuminsa cu un desicion personal di tur hende pa biba un bida Kristian korekto unda cu e bay y alabes yuda su comunidad pa hasi mescos.

Obispado di Willemstad ta indica cu Evangelisashon no ta nifica solamente resa pa otro y ser testigo di balornan autentico. E ta nifica tambe ser visibel den e aspectonan cultural aki, tumando risikonan prudente den nomber di Dios, ofreciendo nos presensia, bida y comportacion cu ta yuda alsa norma y balornan di nos comunidad.

LEAVE A REPLY

Please enter your comment!
Please enter your name here