Un feliz siman yena di bendicion y cu Dios Su misericordia toca boso curason.
”Hesus, Yiu di David, tene misericordia cu mi!”  Lucas 18,38

E ciego Bartimeo ta duna nos un les di fe den Evangelio di awe sclamando masha simpel mes dilanti Hesus: ”Yiu di David, tene misericordia cu mi.” Cuanto di nos a yega di sclama asina? E ta hopi bon pa nos alma cu ta pober. E echo cu poco bes nos ta reconoce e berdad, corda pa sclama manera e ciego aki Bartimeo no tabata tin berguensa pa sinti asina, asta despues cu nan a rous’e, e no a keda keto! Asta a grita cu mas forsa ainda. Danki Bartimeo pa e ehempel aki. Nos mester haci mescos cu ne paso Hesus a scuch’e y ta scucha semper maske tin cu kier stroba. Nos confiansa mester ta total y “horta” Hesus Su curason. Hesus dilanti tanto fe asina y e ciego cu “Señor laga mi mira atrobe”. Si nos fe ta fuerte tur cos nos por ricibi. Den e caminda Sinodal, nos ta yama pa cana hunto, pa scucha locual Spirito Santo ta bisa Su Iglesia, laga cada un sinti cu tin speransa.

Oracion: Señor yuda nos kere cu Hesus ta tur cos, E ta duna nos tur cos. Laga nos mustra nos fe Su dilanti pa nos encontra cu Dios cu semper ta busca nos. Laga nos siña e les di Bartimeo pa Hesus no pasa nos voorbij. Amen.

LEAVE A REPLY

Please enter your comment!
Please enter your name here