Recientemente, cierto grupo den nos comunidad a bolbe fabrica mentira cu intencion pa acusa minister di Husticia Rocco Tjon falsamente relaciona cu un caso unda supuestamente el’a duna ordo pa persigui of detene e vandalisador Maduro cu a spuit na muraya di e driekiel. E realidad ta hopi leu di e noticia sensacionalista aki.

Tabata Marco Spinoza (24Ora) cu a trece e mal informacion aki den durante un rueda di prensa y a cuestiona e integridad di Tjon y kier a cuestiona Minister Arends. Parce cu Marko intencionalemente kier troce loke tin skirbi!

E ministro di Husticia nunca a duna ningun ordo di detencion contra e Maduro, pasobra e no por duna e orden ey. Y mas peor cu dia 29 september 2023 e no tabata sa mes ta ken a comente e acto di vandalismo.

Kico te caso?

Dia 29 di september di 2023, Aruba a amanece cu un acto di vandalismo, unda a spuit “No More Hotels” na e sitio di e drikiel cu algun dia prome a wordo instala . Esaki tabata un shock pa comunidad. Mes acto similar a tuma lugar na varios otro sitio na Aruba. Tabata teme cu por sigui causa mas daño.

Atendiendo e situacion aki, e ministerio di Husticia a actua cu prudensia y diligensia, solicitando na e autoridatnan policial pa inicia un investigacion y dune prioridad.

E peticion di e ministerio no tabata implica e detencion di ningun individuo en partiular, pero un investigacion di e hechonan y pa busca esun responasabel pa e acto di vandalismo cu a afecta e propiedad publico di Aruba.

Un polis a skirbi exactamente esaki den e rapport encuestion:
Bevindingen Op vrijdag. 29 september 2023, omstreeks 09:45 uur, ontving ik, verbalisant, een whatsapp & bericht en hiema een telefoontje van een personeel van het bureau van de Minister van Justitie. Er werd gevraagd om dit ondertoek prioriteit to geven. Kennelijk werd genoemde Minister door verschillende burgers hierover aangesproken.

Ministerio a pidi pa duna e investigacion prioridad. Ningun momento ta skirbi pa persigui of detene Maduro. Persigui of detencion ta un autoridad di fiscal, PG y OM.

Ta evidente cu algun medio comprometi a intenta di crea un narrativa falso, buscando pa descredita trabao di e minister di Husticia. Sinembargo, ta nos responsabilidad pa trece e berdad y desenmascara e weganan politico cu dicho medio kier trece.

Nos ta urgi e comunidad pa verifica semper e fuentenan y pa no cay den wega di esnan cu ta busca pa manipula opinion publico cu mentira. Berdad lo triunfa, y e integridad di e ministro di Husticia di Aruba ta intachabel.

Pa ta cla: Dia 29 september 2023 e Minister no tabata sa mes ken ta tras di e dicho acto, corda pa e preciona cu persecucion of detencion.

Cu tabata necesario duna prioridad, ta natural, pasobra mester a evita cu e autor sigui su furia.

Nota: E informe aki ta di Solo di Pueblo a base di nos investigacion. Tanto e ponencianan treci dilanti y s hechonan.

LEAVE A REPLY

Please enter your comment!
Please enter your name here