Dios tene misericordia,,si nos tabata sa ta ken nos ta, ora nos entrega nos bida na Cristo Hesus y kico Cristo por haci den nos bida, e ora ey hopi hende su bida lo a cambia, nan actitud, nan orguyo lo a basha abao, nan lamento lo a cambia den goso, nan tristeza den alegria, nan pobresa den rikesa, pasobra tur esnan cu ta biba den rabia, odio, arogancia y cu no ta pordona, aunke nan por ta rico , nan ta pober pasobra te ainda nan ta den scuridad, y mas peor ta cu ora e luz di Cristo a aserca nan bida nan a prefera pa keda den scuridad, caminda , nan por sigi haci maldad sin sa cu den Cristo Hesus , tin un bida nobo, y bida eterna. Pasobra locual Dios a priminti Dios ta cumpli (Juan Capitulo 3 vers 16+17+18) pero si nos no kere den su yiu unigenito tur consequencia lo ta pa nos.
Tur mayor mester ta bon informa pa bisa nan yiu ken nan ta den Cristo Hesus. Pasobra ora un hende hanja sa ken e ta den Cristo Hesus, su bida completo lo cambia, su actitud lo cambia, su amor pa su prohimo lo aumenta, lo e conoce misericordia di Dios, y hopi bendicion mas.
Pero ora nos no por splika nan, pasobra nos mes cu ta hende grandi no sa , of nunca tabata interesa,pa conoce e berdad , e ora ey nos lo sufri hunto cu nan, pa e motibo di negligencia di no atende cu nos yuinan manera Dios ta demanda di nos.
Pasobra nos ta e obra di Su man, crea den Cristo pa bon obranan, cualnan Dios a prepara di antemano pa nos cana aden.( Efesios capitulo 2 vers 10)
Wow, wak e grandesa di Dios pa nos bida, ningun caminda ta para scirbi cu Dios a traha hende pa nan ta adicto, burache, malvado , atracador, etc , no esey no ta e boluntad di Dios pa nos bida, asina un hende ta canando den mal caminda sabi cu esey no ta e plan di Dios pa su bida, ( Jeremias 29:11)
Pesey constantemente nos ta pidi y roga na tur mayor y tur famia, pa asina nan para firme y laga Cristo Hesus ta e prioridad di nan BIDA Y HOGAR pasobra den Efesios 1 vers 7 ta para scirbi: Den djE nos tin redencion pa medio di Su sanger, y e pordon di nos picanan, segun e rikesa di su gracia, cu E a derama na abundancia riba nos , den tur sabiduria y prudencia.
Ora un hende ta cana sin ID, ta pasobra e ta un illegal,pero ora nos ta den Cristo Hesus nos tin identidad, y hasta diabel mester respeta esey, pasobra Dios su Spirito Santo ta riba nos.
Ta solamente Cristo Hesus por ofrece nos deguridad den e tempo trabahoso aki.( 2 Timoteo Capitulo 3 vers 1-9).
Por favor mayornan ban pasa esaki over pa henter nos famia, pasobra nunca no ta laat pa entrega nos bida y henter nos famia na Cristo, y ricibi su identidad.
Sinceramente
Pastor Marcel Balootje.
