Relacion tenso entre Hulanda y Aruba; Documentonan no a yega ainda

0
1533

Segun Prome Minister Wever Croes, actualmente tin un situacion tenso entre Hulanda y Aruba. El’a bisa cu “tin hopi tension den e relacion”. Tur esaki ta basa riba e condicionnan cu Hulanda ta impone pa asina por duna Aruba prestamo. Tin dos punto riba mesa: 1. Un entidad nobo cu lo bay atende cu e placa di prestamo, cu lo bini entre Gobierno di Hulanda y Gobierno di Aruba y 2. E sorpresa di ultimo hora, esta pone Aruba bao di CFT por medio di un Rijkswet.

Segun Prome Minister a declara diahuebs mainta, cu te ainda Hulanda no a suministra informacionnan concreto. A pidi Hulanda pa pone tur esakinan riba papel, pa mandanan pa Gobierno di Aruba.

Hulanda tabata kier pa Aruba tuma decision den cuatro dia, cual ta sumamente inpractico. Sinembargo awor a alarga e dianan unda cu dialuna awor ( 6 di juli) Hulanda a keda di entrega e condicionnan por escrito.

LEAVE A REPLY

Please enter your comment!
Please enter your name here