Rocco ta corigi ‘fake news’ di Marisol riba Warda nos Costa: Winklaar no a wordo nombra como hefe

Diabierna atardi Minister Rocco Tjon a emiti un comunicado di prensa cu ta mustra cu Marisol a bolbe dal su dede, na e caso di Warda nos Costa. Por a tuma nota cu Marisol a core bay tras di un FAKE NEWS di “Ayera mainta”, cu a trece un cantidad di mentira dilanti.

Tur cos ta draai riba e storia cu Sr. Winklaar a wordo nombra hefe di Warda nos Costa, sin a pasa e screening di Seguridad Nacional. Of a cuestiona con ta posibel cu Winklaar a wordo nombra hefe, sin pasa screening.

Minister Rocco Tjon a aclara cu na ningun momento Sr. Winklaar a wordo nombra como hefe y na momento cu su screening VGB a wordo nenga, e formalisacion di su nombracion a para. A conversa cu Winklaar hunto cu DRH unda a keda di busca un otro funccion pe.

Mester menciona cu no ta Marisol so a core tene na fake news, pero varios medio di prensa, rochelistanan y La bruha del 88 tambe a lansa nan critica, pero cu tabata totalmente sin base.

Aki e preguntanan haci pa Marisol y e contestanan duna pa Rocco:

1. Cuanto ambtenaar ta eherce nan trabou como directeur of hoofd van dienst den e Ministerio di Husticia y Ministerio di Asuntonan Social, segun e bijlage di articulo 2 lid 1 di e landsbesluit, houdende algemene maatregelen, van 12 mei 2006 ter uitvoering van de artikelen 15 en 16, derde lid, van de Landsverordening Veiligheidsdienst Aruba (AB 2002 no. 115) (Landsbesluit aanwijzing vertrouwensfuncties en veiligheidsonderzoeken), cu nan veiligheidsonderzoek a sali negative (cu bezwaar)?
   Ningun, den e sentido cu for di momento cu mi a wordo notifica cu sr. Winklaar su VGB a wordo nenga, e formalisering di su nombracion a stop. Y na e momento ey a hiba un combersacion cu su persona, conhunto cu DRH, pa inicia e proceso di busca un “passende functie” den e aparato gubernamental pe. Na mes momento mi mester bisa cu sr. Winklaar tin e derecho di apela e decision.
   
2. Minister tin cu percura segun articulo 9 di e landsbesluit, houdende algemene maatregelen, van 12 mei 2006 ter uitvoering van de artikelen 15 en 16, derde lid, van de Lnadsverordening Veiligheidsdienst Aruba (AB 2002 no. 115) Landsbesluit aanwijzing vertrouwensfuncties en veiligheidsonderzoeken) pa su directornan cada 3 anja tin un veiligheidsonderzoek cu ta valido, of si acaso tin echo of circumstancia cu ta rekeri esaki, mester haci un veiligheidsonderzoek di nobo. Tin director cu nan veiligheidsonderzoek a caduca y tin director cu mester a hasi nan veiligheidsonderzoek di nobo?
   Landsverordening veiligheidsdienst a wordo adapta na 2021. E landsbesluit aanwijzing vertrouwensfuncties en veiligheidsonderzoeken no a wordo adapta ainda conforme e cambionan menciona den e landsverordening. Artikel 17 di e landsverordening (nobo) ta bisa cu Minister por haci un veiligheidsonderzoek cada cinco anja of si tin motibo (feiten en omstandigheden) mas prome. Esey kiermen cu un VGB ta keda valido y no ta caduca.
   
3. Segun e articulo di 19 februari 2024, pagina 2 di corant AweMainta (zie bijlage A), tin e siguiente pregunta: e director di Guarda Nos Costa, cual tawata director di KIA, tin of no tin un veiligheidsonderzoek haci y kiko ta e resultado di esaki?
   Mi ta referi na mi contesta riba pregunta 1