Josephine Martilia-Albertus (SIMAR):
Na ki momento Aruba lo yega na un consenso?
Josephine Martilia-Albertus presidente di SIMAR, a indica cu loke a sobresali den e cumbre di gremionan comercial y sindical, mescos cu a tende di hopi tempo caba, cu desde COVID a yega, diferente cos a cambia.
Tambe prome minister a menciona, cu COVID a kibra Aruba pero temporalmente. Ta wordo bisa tambe cu nos so no por sali afo.
Nos lo mester haya ayudo. Por bisa cu ayudo cu Hulanda kier duna a bin cu diferente condicion. A tende tambe cu tin condicionnan ta rasonabel, tin cu ainda Aruba no por bay di acuerdo cun’e, pasobra cu nan no ta rasonabel.
A papia di pensioen, a papia di dolarisacion. Por bisa tambe cu prome Aruba lo a cay bao di RFT mescos cu St. Maarten y Corsou y cu esaki Prome Minister a bay Hulanda pa logra esaki no pasa. Contento di a tende cu por dialoga y ta spera cu e dialogo ta sigui. Pero pa SIMAR e pregunta ta, of loke ta hopi crucial ta bisa cu Aruba tin actualmente espacio pa no-crash.
Pero kier sa realisticamente cuanto tempo esey ta. Tempo cu a sinta siman pasa, a tende cu pa fin di juli lo tin finansas pa por paga y despues di esey lo bay bek. E ora no lo por tin e siguransa of espacio. SIMAR kier sa si ta keda dialoga, pero kico ta e espacio cu tin. Door cu a bisa tambe cu no por haci’e nos so, lo mester di ayudo. E ora ey, cu e dialogo, cua ta e condicionnan of unda por yega na un consenso.
Esey ta en realidad loke cu kier wordo haci, cu ta dialoga pa por yega na un consenso, pero na ki momento por bisa cu a yega na un consenso. Ora cu wak e parti di enseñansa, e aansluiting cu mercado laboral, no ta zona malo. Pero e no ta solamente enseñansa cu tin di haber cun’e.
Tin hopi mas punto y no por djis bisa cu ta acepta, pasobra enseñansa ta parce positivo. Mester sinta mas, pero kier sa si realisticamente kico ta e espacio cu tin y na ki momento por bisa a yega na un consenso cu gobierno ta bisa cu awor aki si, door di dialoga a yega na un punto, a yega na otro na mita caminda.
