Ta acusa ruman homber di Cristiano Ronaldo di fraude pa produci copianan falso di e jersey di Juventus

0
168

Ministerio Publico di Turin (Italia) a habri un investigacion pa fraude contra e ruman mayo di Cristiano Ronaldo, Hugo Dinarte Santos Aveiro, e corant Corriere della Sera a informa.

Hugo Dinarte ta administra e Museo CR7 den e localidad Portugues di Funchal y ta e representante legal di e empresa Mussara Lda., encarga di e gestion di e imagen di futbolista.

E acusacion ta bin di un disputa legal entre Juventud di Turin y e empresa Italiano pegaso, cu ta produci y distribui articulonan deportivo.

Aña pasa, riba peticion di Juventus a confisca 13 mil jersey di e ekipo aki elabora pa Pegaso. E prendanan lo a wordo fabrica sin e respectivo derechonan, lo ta identico na e diseñonan oficial produci pa Adidas y a caba den e Museo CR7.

Ganashi di 500 mil euro

Pegaso ta alega cu Mussara a otorg’e e derechonan ey, un punto cua e parti acusa ta nenga. Ademas, e ruman homber di Cristiano Ronaldo lo a recausa 500 mil euro pa e benta di e jerseynan aki, pero despues di e intervencion di Juventus a suspende e produccion.

En cuanto e jerseynan cu ya nan a confecciona, Mussara a ofrece Pegaso 4 euro pa unidad pa distrui nan, pero e empresa Italiano a descubri cu e prendanan aki lo a wordo bendi den e museo pa 40 euro.

Un prome intento di reconciliacion economico entre e dos empresanan a fracasa, di eynan cu e Ministerio Publico di Turin lo a cuminsa cu un investigacion pa fraude contra Hugo Santos Aveiro.

LEAVE A REPLY

Please enter your comment!
Please enter your name here