St. Maarten, 20 di mei, 2021 – Dutch Caribbean Nature Alliance (DCNA) y Beneath the Waves (BTW) a lansa Caribbean Shark Coalition (CSC), un plataforma nobo y innovativo pa trece stakeholdernan, investigadonan, gobiernonan y financiadonan hunto pa colabora miho cu otro y pa amplia e impactonan di ciencia y maneho den henter region Caribense.
Representa tin mas di 45 miembro nobo di NGO, gobierno y empresa local di 24 pais, cu a uni formalmente na CSC pa desaroya capacidad pa loke ta trata investigacion, maneho y educacion pa e especienan menasa aki den region.
E teritorio di Caribe ta hunga un papel clave den promove e obhetivonan global pa proteha 30% di e oceanonan di mundo pa aña 2030. Bou di e vision aki, CSC tin tres obhetivo principal, cu lo keda realisa pa medio di trabou colaborativo y proyecto di e miembronan di CSC. Na prome luga CSC lo fomenta colaboracion den investigacion di tiburon y raya, maneho y desaroyo di capacidad pa conservacion entre e stakeholdernan, y lo brinda oportunidad pa transferencia di conocemento y sintesis di dato. Tambe CSC lo busca forma den cua por realisa proteccion cu ta traspasa frontera pa salvaguardia miho salud riba termino largo di e poblacion di tiburon y raya. Finalmente, CSC tin como obhetivo promove un futuro sostenibel tanto pa e especienan aki, como pa mantencion humano cu ta depende di nan, mediante participacion di empresa local, interesadonan y corporacionnan di sector priva.
“Esaki ta un momento historico pa e esfuersonan pa conservacion di lama den teritorio Caribense”, Tadzio Bervoets, Director di DNCA y un di e fundadonan di CSC ta bisa “Nos a pidi pa proteccion marina cu ta traspasa frontera den e awanan aki, ya cu nos sa cu e super animal di presa aki ta conectando ecosistema, rifnan, companianan di piscamento y nutriente den e zonanan economico exclusivo. CSC lo yuda nos haya e gapnan di conocemento critico tocante tiburon y raya den region yy con pa anda cu nan, y tambe lo apoya proyecto di investigacion colaborativo ”.
Dr. Austin Gallagher, hefe cientifico di Beneath the Waves, ta comparti: “A lo largo di añanan, nos tabatin asina tanto stakeholder di henter e region cu a expresa nan interes pa participa den investigacion basico of educacion tocante e tiburonnan, pero falta di recurso of tecnico of experticio operativo a impidi nan pa actua.
E ta agrega: “Nos ta spera cu The Coalition por desempeña un papel den creacion di e comunidad amical, habri y solidario aki cu e stemnan tabata buscando”.
E miembronan di CSC ta representa un coleccion di experto di ONG, comunidadnan local, organisacionnan intergubernamental y gobierno, instituto di maneho, y empresa local, cu ta traha hunto pa avansa estudio y conservacion di tiburon y raya den e awanan di teritorio Caribense. CSC lo proporciona capacitacion interdisciplinario, evaluacion regional y lo otorga beca na e poyectonan di e miembronan di CSC. CSC lo representa interesnan y metanan di e miembronan y, mas ampliamente, tiburon y especie y raya di Caribe den ONU (UNEP-CEP y e Centro di Actividad Regional pa e Protocolnan SPAW di Convencion di Cartagena), UICN-Caribe, CITES, CMS, CBD y otro encuentro internacional.
Pa obtene informacion, bishita www.caribbeansharks.com
Foto credit: Sami Kattan (all rights reserved)
# # #
Tocante Dutch Caribbean Nature Alliance
Dutch Caribbean Nature Alliance ta un organisacion sin beneficio, crea pa cuida naturalesa den Caribe Hulandes mediante apoyo na e organisacionnan di maneho di e areanan protegi. DCNA kier consolida conocemento y kier surpasa e deficiet financiero pa conservacion den Caribe Hulandes. DCNA ta mantene un pilar central den apoyo, intercambio di conocemento y comunicacion entre e islanan di Caribe Hulandes.
Tocante Beneath the Waves
Funda na aña 2013, Beneath the Waves ta un ONG oceanico cu ta uza ciencia pionero pa promove descubrimento cientifico y pa catalisa maneho oceanico, cu enfoke riba especie y ecosistema menasa. Lidera pa un grupo di lider estableci y emergente den e mundo di conservacion marina, nan a bin cu iniciativa cu ta focus riba conservacion di biodiversidad y especie altamente migratorio manera tiburon den henter Ocean Atlantico, Lama Caribe y Ocean Pacifico. Nan trabou a genera casi 100 publicacion cientifico, un cantidad di descubrimento, y nan tabata involucra den estudio y conservacion di casi 1 miyon kilometer cuadra di area marino protegi.
