Calabas – Diaranson yegando 7’or alarma a wordo bati na polis, unda cu ta pidi pa ambulance cu urgencia na Calabas. E cabayero lo tawata cu mas persona.
For di Vocero policial Sr. Lito Lacle nos a haya e siguiente informacion oficial:
“Pa mas o menos 6.49 Central di Polis ta haya un melding cu den e mondinan na Calabas un ciclista lo a bira malo.
Na yegada di patruya a bin constata cu e persona no ta reaccionando.
Personal di Ambulans a purba reanima e persona pero envano.
8.10 Dokter Texier ta constata morto di e homber Wilson Ibarra Ortega di 57 aña di edad.
Cuerpo Policial ta manda palabranan di condolencia na e famia di e fayecido”.
