Na cas di Embahada di Reino Hulandes na Panama, a tene un encuentro ameno entre e delegacionnan di Aruba y Curacao y e “Deputy Ambassador” Peggy Vissers y su ekipo.
Sra. Vissers a cuminsa cu gradici e delegacionnan cu a pasa bishita y ta na Panama pa asina representa e paisnan cu ta parti di e Reino Hulandes. A duna un discurso amplio unda a splica kico tareanan di un Embahada ta y den e caso particular di e Embahada di Reino Hulandes na Panama. Banda di esaki, a indica di ta apoya e participacion di e atletanan na e Weganan, y ta mira con deporte ta yuda na forma hobennan door di duna nan disciplina, determinacion y perseverancia cu lo yuda nan durante nan bida completo.
Di parti di TEAMARU, a conta tocante nos participacion na e IV Weganan Suramericano di kHubentud Panama2026. A splica e deportenan cu lo participa aden y con e proceso di yega na participa na un Weganan di e Ciclo Olimpico ta tuma luga dentro di e departamento tecnico.
Comite Olimpico Arubano (COA) ta gradici Sra. Vissers y su ekipo pa a ricibi ambos delegacion den un encuentro hopi interactivo y interesante.
