E clausura di e prome edicion di e curso posgrado riba Asuntonan di Reino lo tuma luga diabierna 24 di April. E curso aki ta un iniciativa di De Haagse Hogeschool y Universiteit Leiden, y ta destina pa profesionalnan na ambos banda di oceano cu ta atende cu Reino y relacionnan di Reino den nan trabou. E prome edicion di e curso ta completamente uitverkocht, cu 20 participante di Hulanda Europeo y 20 participante di e islanan Caribense dentro di Reino.
Durante e clausura dia 24 di april, e participantenan lo presenta nan tarea final den forma di un poster, y lo entrega certificado. Esaki lo tuma luga durante un encuentro festivo, publico, na cual tambe ta invita tur docente den e curso y representantenan di instancianan cu ta atende cu relacionnan di Reino. E encuentro lo tuma luga entre 14:00 pa 17:00 na De Haagse Hogeschool y na final lo tin un brindis.
Durante e ceremonia di clausura, un cantidad di orado prominente lo dirigi su mes na e graduadonan y e publico en general:
- Mike Eman, Prome Minister di Aruba
- Eric van der Burg, Secretario di Estado pa Relacionnan di Reino
- Sarah de Rijcke, Rector Magnificus di Universidad di Leiden
- Arend Hardorff, Vise-Presidente di De Haagse Hogeschool
E curso ta wordo coordina pa Marcel Daniëls (De Haagse Hogeschool) y Prof. Wouter Veenendaal (Universidad di Leiden). Veenendaal ta ocupa e Catedra Special den Representacion Democratico den Reino, cu a keda establece na 2024 door di Ministerio di Interior y Relacionnan den Reino (BZK) pa genera atencion mas profundo y amplio pa relacionnan di Reino. Tambe BZK tin un sociedad di compartimento di conocemento pa loke ta trata relashocionnan di Reino cu De Haagse Hogeschool.
Pa motibo di e interes continuo, a dicidi pa ofrece e Curso atrobe otro aña. Bo ta interesa pa participa? Bo por inscribi pa e Curso via https://www.dehaagsehogeschool.nl/opleidingen/post-hbo/leergang-koninkrijkszaken.
