Den fin di siman e atletanan di Taekwondo Team Aruba a participa den e Pan American Club Championship na Daytona Beach.
Nakiomy del Rosario atleta di San Nicolas Taekwondo Foundation a cuminsa e prome rond contra di Gil Chloe for di Merca ganando e rond. Den e di dos y tercer rond Gil Chloe a bin for di patras ganando e pelea 2-1. Xamier Lake atleta di Master Eric Barry di San Nicolas Taekwondo Foundation a cuminsa e prome pelea ganando 2-0. Den e di dos pelea Xamier Lake a topa cu Ian Machado for di Merca cu a logra gana Xamier Lake 2-0. Aidan y Quinten Klaber di Brazil Taekwondo Stichting a perde nan prome pelea 2-0 contra di atletanan di Merca. Despues di e evento Master Antwuan Wilson a papia cu e atletanan tocante di nan peleanan y di kiko tur e ta spera for di nan den nan siguiente evento. E atletanan a gana mas experiencia bringando contra di Merca. Despues di 4 evento den diferente Pais unda cu e atletanan a logra gana y perde. Training na Aruba ta sigui pa despues participa den e proximo Training Camp.
Taekwondo Team Aruba ta gradici Pueblo di Aruba pa nan contribucion pa nos futuro atletanan elite yega nan metanan.
