Den un declaracion di Minister President Wever Croes na Top 95 FM den Noticiero Dinamico di Hans Geerman, el’a informa cu otro siman lo tuma lugar un consulta nacional. Den e consulta nacional aki lo reuni cu gremio comercial y sindical. Tur sector di gremio comercial y tur sector di gremio sindical lo particpa. Den e session aki lo trece tres informacion dilanti: E situacion financiero, e proposicion di Rijkswet Financieel Toezicht como tambe e entidad cu Hulanda kier pone riba cabes di Aruba pa controla e placa cu nan ta manda pa nos isla. Segun Wever Croes a splica cu esaki ta un forma transparente pa asina suministra tur sindicato y sectornan comercial di nos pais e informacion corecto. Lo ta den e consulta aki tambe cu lo pulsa o busca opinion di e sectornan aki.
