Den e reunion di siman pasa cu a tuma lugar riba screening di ministers, a bin sali na cla cu politiconan di AVP no sa kico kemen “hoger beroep” ni tampoco “hogeraad”.
Mas cu claro cu e logronan historico aki di Minister Endy Croes y su abogado mr. Anthony Ruiz tin nan ainda tolondra.
Ta manera cu nan a haya poco sla den nan curpa den un pelea di boxeo, te cu nan a bay knock out.
Nan a lanta tur zonza di vloer, y ainda nan ta pega den pasado. Arthur Dowers a saca un sentencia di 2010 pa purba convence e tiki siguidornan di Avp cu a keda, pa purba mustra algo, cu ningun hende ta kere mas aden.
Den parlamento hopi di nan tabata hasta cuestiona e sentencia di hogerberoep y di hogeraad, unda 8 huez a dicta cu Endy a gana, y cu Endy por bay cobra.
Gerlien -WC- Williams Croes a bay mas leu ainda, unda e kier cuestiona e suma di e daño ocaciona pa AVP, pero e no kier habri su boca riba e 86 miyon cu AVP a regala Canada.
Otro a pidi Endy pa hala aden e caso, pero ningun dia nan a puntra Endy, con el’a biba durante 8 aña sin trabao, ocaciona pa storianan falso di AVP?
Pues, ta realmente un tristesa cu AVP ta mal pega den politica bieu y awor falta pa nan cuminza tilda hueznan! Tipifica hende cu no kier accepta nan derota y accepta cu e corupcion nan mester buske den nan propio seno.
E storia di Lotto, no ta funcciona mas! Mihor nan dedica na e storia nobo unda hopi den AVP a horta miyones den RDA. Candy Rasmijn pa un video 99 mil, Partrick Pichicho Paskel a cobra cuentos di miles, via un e-mail.
