Bale y James ta keda p’afo di e constelacion di Madrid pa encuentro cu City pa Champions.

0
97

E delantero Gareth Bale a keda pafo di e constelacion di Real Madrid cu lo disputa e buelta di octavonan di final di Champions League diabierna contra Manchester City, mescos cu e centrocampista Colombiano James Rodriguez, loke ta pone den duda su futuro den e club di
futbol Spaño. Bale, di 31 aña, a hunga pa ultimo biaha pa Madrid na juni, den e victoria 2-0 riba Mallorca y no a aparece den e ultimo shete partidonan di e liga den cual e ekipo a corona campeon. Bale, kende a marca mas di 100 gol pa e ekipo Spaño desde su yegada na 2013, tabata tin su pio temporada den e club cu solamente tres gol marca den tur e competencia. E Gales tin contract e cu 2022 y tabata cla pa muda pa e Superliga Chines aña pasa, prome cu e transferencia a cay ora cu Madrid a dicidi pa insisti pa cobra pa e pase na luga di rescindi su contract. Rodriguez tampoco a wordo convoca pa DT Zinedine Zidane, mientrasc u e extremo Mariano Diaz lo perde e biahe despues cu el a sali positivo pa Covid-19 siman pasa. Capitan Sergio Ramos no ta eligibel despues di a wordo expulsa den e derota 2-1 den e ida den Santiago Bernabeu, pero e club a confirma cu e defensor lo biaha cu e ekipo.

LEAVE A REPLY

Please enter your comment!
Please enter your name here