US Open ta anuncia rebaha den premio pa e campeonnan, pero ta alsa pa ruedanan inicial.

0
56

E ganadonan di US Open lo ricibi 850 mil dollar menos den premio e aña aki, e organisacion di e torneo (USTA) a bisa diaranson, cu tambe a anuncia un aumento den loke lo paga esnan cu ta pidi pa wordo elimina den e prome buelta. E torneo di Grand Slam, cu lo cuminsa dia 31 di augustus na New York, lo wordo disputa sin publico y cu ausencia di algun di e streanan di mas grandi di tennis, memey di e brote di coronavirus na Merca. E monto total di premio di 53,4 miyon di dollar ta bao di e 57 miyon di aña pasa, e mas halto den historia di e torneo. E premio pa hunga e prome buelta lo subi un 5% na 2020, na 61 mil dollar desde 58 mil dollar. E campeonnan di individual lo ricibi 3 miyon di dollar frente e 3,85 miyon di dollar di 2019; mientras cu e finalistanan lo gana 1,5 miyon di dollar, bao di e 1,9 miyon di aña pasa. Kendenan yega na e semifinalnan y cuartonan di final lo mira tambe un disminucion den premio. “E distribucion di e placa den premio pa US Open 2020 (…) ta representa un compromiso di apoya e hungadonan y su bienestar financiero den momentonan sin precedente,” e CEO di USTA, Mike Dowse a bisa den un comunicado. E campeon defensor Rafa Nadal y e nuber uno di mundo, Ash Barty, ta entre e tenistanan cu a dicidi di no biaha pa e evento, citando preocupacionnan riba coronavirus. Merca tin 4,8 miyon di caso di Covid-19 y mas di 157 mil morto.

LEAVE A REPLY

Please enter your comment!
Please enter your name here